Döyülən şəxs müalicədən imtina etdi

Türkiyənin Tekirdağ vilayətinin Çorlu rayonunda başına ağac parçası ilə vurulan bir kişi qan içində qalsa da, tibbi yardımı qəbul etməyib.

Sonxeber.az türk mediasına istinadən xəbər verir ki, məlumata görə, B.D. adlı şəxs mübahisə etdiyi bir nəfər tərəfindən başından zərbə alaraq yaralanıb. Hadisə yerinə çağırılan təcili tibbi yardım və polis əməkdaşları yaralıya ilkin yardım göstəriblər.

Lakin yaralı şəxs tibb işçilərinin xəstəxanaya aparmaq təklifini rədd edib. Polisin və ailə üzvlərinin israrına baxmayaraq, o, "Başımı tikdirmərəm, xəstəxanaya getmək istəmirəm", - deyərək müalicədən imtina edib.

B.D.-yə ayaqüstü tibbi yardım göstərildikdən sonra o, hadisə yerindən uzaqlaşıb. Hadisə ilə bağlı araşdırma aparılır.

Telegramda izləyin