Kemal Sunalın heç kimə söyləmədiyi sirri nə idi?

"Şaban" obrazı ilə yaddaşlarda qalan aktyor Kemal Sunalın şəxsi həyatı ilə bağlı maraqlı detallardan biri də onun heç kimə söyləmədiyi sirri olub.

BAKU.WS xəbər verir ki, aktyor bu sirrini heç kimə deməsə də, onunla eyni filmə çəkilən müğənni Emel Sayın bunu öyrənə bilib. Sənətçi müsahibələrindən birində bu barədə danışıb.

İfaçı bildirib ki, bir zamanlar Kemal Sunalla birlikdə rol aldıqları "Mavi Boncuk" filminin çəkilişi bitdikdən sonra hamı qonorarını alıb evinə gedərdi. Sadəcə Kemal Sunal yeriyərək evinə gedirmiş. Onun evi çəkiliş meydanından 3 km uzaqlıqda olub.

Bu Emel Sayını narahat edib və bir gün çəkiliş meydanından ayrılan Kemal Sunalı addım-addım izləyib.

O aktyorun uzun müddət piyada yol getdiyini və parkda otuaracaqda əyləşən bir bəyə yaxınlaşdığını görür. Kemal Sunal həmin adama pul verir. Daha sonra isə yaxınlıqdakı restorana girir və dərhal çıxır.

Emel Sayın həmin adamın kimliyini öyrənmək üçün ona yaxınlaşır və Kemal Sunalın bunu nə üçün etdiyini öyrənmək istəyir.

Həmin şəxs aktyoru tanımadığını, adını belə bilmədiyini, lakin hər gün ora gəlib ona pul verdiyini bildirir.

Aktyorun getdiyi restorandan isə Emel Sayına "Kemalın bizə borcu yoxdur. O hər gün bura gələrək evsiz insanların yemək xərclərini ödəyir" -deyə bildirilib.

Emel Sayın, Kemal Sunalın bu mərhəməti qarşısında təsirlənir, Ertəsi gün çəkilişə gedəndə Kemal Sunala "Sən nə gözəl insansan" deyərək onu qucaqlayır və hər iki məşhur kövrək anlar yaşayır.

Telegramda izləyin