Ermənistan vətəndaşlarının məhkəməsi davam etdirilir
Oktyabrın 31-də Bakı Hərbi Məhkəməsində Ermənistan Respublikası vətəndaşlarının ittiham olunduğu cinayət işi üzrə məhkəmə prosesi sənədlərin elan olunması ilə davam etdirilir.
AZƏRTAC xəbər verir ki, təqsirləndirilən şəxs Levon Mnatsakanyanın vəkili Oqtay Mədətov məhkəməyə müraciət edərək, fasilə zamanı müvəkkili ilə görüşmək istədiyini deyib.
Hakim fasilədə bunun üçün şərait yaradılacağını bildirib.
Təqsirləndirilən şəxs David Manukyan vəsatətlə çıxış edərək, ona qarşı irəli sürülmüş ittiham aktında təşkilatlanmış cinayətkar qrupun yaradılması ilə bağlı ittihamın cinayət işindən çıxarılmasını və ayrıca baxılmasını xahiş edib.
D.Manukyanın vəkili Valeh Qurbanov vəsatəti müdafiə etdiyini deyib.
İttiham tərəfi vəsatətə münasibət bildirib. Dövlət ittihamçısı Fuad Musayev qeyd edib ki, belə bir vəsatətin qaldırılması məhkəmə prosesinin hazırkı mərhələsinin predmeti deyil.
Məhkəmə tərəflərin fikirlərini dinlədikdən sonra, yerində müşavirə keçirərək, vəsatətin əsassız olduğu üçün təmin edilmədiyini bildirib.
Sonra Madat Babayanın vəkili Leyla Namazzadə vəsatətlə çıxış edərək, bəzi epizodların müvəkkilinə qarşı irəli sürülən cinayət işindən çıxarılmasını xahiş edib.
Təqsirləndirilən şəxs M.Babayan vəsatətlə razı olduğunu bildirib.
Dövlət ittihamçısı Təranə Məmmədova vəsatətin hazırkı prosesdə təmin olunmamasını xahiş edib.
Məhkəmə vəsatətə müşavirə otağında baxılaraq cavab veriləcəyini diqqətə çatdırıb.
Qeyd edək ki, Ermənistanın hərbi təcavüzü nəticəsində sülh və insanlıq əleyhinə cinayətlər, müharibə cinayətləri, o cümlədən təcavüzkar müharibənin hazırlanması və aparılması, soyqırımı, müharibə qanunlarını və qaydalarını pozma, habelə terrorçuluq, terrorçuluğu maliyyələşdirmə, hakimiyyəti zorla ələ keçirmə, onu zorla saxlama və digər çoxsaylı cinayətlər törətməkdə təqsirləndirilən Ermənistan Respublikasının vətəndaşlarının məhkəməsi davam etdirilir.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Borclu şəxs qismində axtarışda olan 76 nəfər saxlanılıb
Metronun yeni stansiyası AÇILACAQ - BU TARİXDƏ
Yüksək təzyiq zamanı nə yemək olmaz? - Ən zərərli 8 məhsul
Bu gecədən Kiçik çillə başlayır: şaxta, çovğun və sərt günlər...
Həmin gün bayram olsa da, İŞƏ GEDƏCƏYİK
Pensiya və əməkhaqqı ilə bağlı vacib AÇIQLAMA
Bakıda hava bu tarixdə KƏSKİN DƏYİŞİR: QAR YAĞACAQ
XƏBƏRDARLIQ: Türkiyədən güclü qar fırtınası Azərbaycana doğru gəlir: Bu tarixdə HAVA KƏSKİN DƏYİŞƏCƏK
2 fevralda iş olacaq?
Arne Slot "Liverpul"un oyunçusu ilə soyunub-geyinmə otağında dalaşıb
Qar yağacaq, külək güclənəcək - SON DƏQİQƏ XƏBƏRDARLIĞI
Xəzər çəkildi, qəbirlər üzə çıxdı - 2040-cı ilə qədər...
Bu məbləğdə pensiya alanlara artımla bağlı ŞAD XƏBƏR
Cəlilabadda 12 və 14 yaşlı yeniyetmələr BALTALANDILAR: Əmi şübhəli bilinir
"Oğlum bir ömür həbsxanada sürünsün" - Baltalanan qadının qayınanası