Şəriətlə idarə olunan ölkədə "Cadugərlər Bayramı" coşqusu

Qərb mənşəli ənənə olan "Cadugərlər Bayramı" son illərdə Şərq ölkələrində də populyarlıq qazanıb. Rəngarəng geyimlər, əyləncə dolu küçə yürüşləri və tematik partilərlə qeyd olunan bu bayram müxtəlif bölgələrdə fərqli reaksiyalar doğurur.

Sonxeber.az türk mediasına istinadən xəbər verir ki, bu il Səudiyyə Ərəbistanında "Cadugərlər Bayramı" xüsusi coşqu ilə qeyd olunub. Küçələrdə fərqli və yaradıcı kostyumlar geyinən insanlar toplanıb, bir çox məkanda rəqslər və əyləncə tədbirləri təşkil edilib.

Ciddə şəhərində isə artıq dördüncü dəfə keçirilən "Cadugərlər Bayramı Yarmarkası" — Horrorcon — 1–5 noyabr tarixlərində ziyarətçilərin üzünə açılıb. Tədbirdə "qorxu evləri", "dəhşət tunelləri" və vampir mövzulu səhnələr böyük marağa səbəb olub.

Şəriət qanunları ilə idarə olunan Səudiyyə Ərəbistanı hökuməti bu cür tədbirləri turizmi canlandırmaq üçün bir fürsət kimi dəyərləndirir. Hər il minlərlə insan Qərb üslubunda bayramların Yaxın Şərqdə necə keçirildiyini görmək üçün ölkəyə axışır.

Telegramda izləyin