Bu da atamın nömrəsi... - Nihalın 5 il sonra üzə çıxan məktubu

44 günlük Vətən müharibəsi dövründə 11 yaşlı şagird Nihal Əlizadə döyüşdəki əsgərlərimizə məktub göndərib.

"Qafqazinfo" xəbər verir ki, həmin məktubu Dövlət İmtahan Mərkəzinin (DİM) müharibədə iştirak edən əməkdaşı illər sonra təqdim edib:

"Salam, canım əsgərim. Mən səni və digər əsgərlərimizi çox sevirəm və sizə güvənirəm. Siz əlinizdən gələni bizim üçün edirsiniz. Biz evdə isti yorğan-döşəkdə yatıb-durarkən, siz hər an heç bir şey olmasın deyə bizi qoruyursunuz. İnşallah evinizə sağ-salamat gələrsiniz.

Mənim adım Nihal Əlizadədir. 11 yaşım var, 5-ci sinfə gedirəm. Məni də görməyə gələrsiniz. İnşallah düşmən məğlub olar. Mən evdə nə qədər gülsəm də, ağlasam da sizi heç vaxt unutmuram.

Mənim qəlbim kiçik olsa da, sizi içində böyük saxlayıram. Canım əsgərim, yolunu səbirsizliklə gözləyəcəm. 3 rəngli bayrağımız Qarabağda dalğalanacaq!

İnşallah, işğalda olan bütün torpaqlarımızı azad edəcəyik. Mən bəzən televizorda "bir çox yerləri almışıq" deyərkən çox sevinirəm. Özünüzə yaxşı baxın, canım əsgər qardaşım! Mən səni görmək və qucaqlamaq istəyirəm".

Qeyd edək ki, noyabrın 8-i Vətən müharibəsindəki qələbəmizin 5 ili tamam olur. Balaca Nilayın o məktubda yazdığı hər şeyi Azərbaycan artıq öz taleyinə ilmə-ilmə toxuyub.

Allahdan şəhidlərimizə rəhmət, qazilərimizə şəfa diləyirik!

Telegramda izləyin