Hülya Avşardan yeni addım: Səhnədən biznes dünyasına - FOTO

Türk kino və musiqisinin əfsanəvi simalarından biri olan Hülya Avşar, illərə meydan oxuyan gözəlliyi və enerjisi ilə bu dəfə biznes dünyasında gündəmə gəlib.

Sonxeber.az türk mediasına istinadən xəbər verir ki, türk kinosunun unudulmaz aktrisası və musiqi aləminin güclü səslərindən biri olan Avşar, karyerasına yeni istiqamət verərək səhiyyə sektoruna daxil olub.

Yay aylarını Balıkesirdəki yay evində keçirən sənətçi, havalar soyuduqdan sonra İstanbula qayıdıb. Lakin bu dönüş səhnələrə deyil, yeni biznes layihəsi ilə bağlı olub.

Məşhur sənətçi, bir tibbi şirkətə (medikal firmaya) ortaq olaraq iş dünyasına rəsmi şəkildə addım atıb. Bu xəbər sosial mediada da geniş müzakirələrə səbəb olub. Bacısı Helin Avşar, sosial şəbəkə hesabında Hülya Avşarı etiketləyərək "qurucu ortaq" ifadəsini işlədib.

Avşar bir müddət əvvəl sosial media hesabında etdiyi paylaşımda belə yazmışdı:

"Manyetik qum dənəcikləri, əl nahiyəsində qan dövranını artıraraq rahatlama təmin edir və bölgədəki gərginliyi azaldır".

Səhiyyə və rahatlıq yönümlü bu məhsullarla diqqət çəkən Hülya Avşarın, markanın reklam işlərində də aktiv rol alacağı bildirilir. Reklam tədbirində sənətçini tək buraxmayan qızı Zehra Çilingiroğlu, həmin gün anası ilə birlikdə çəkilən bir fotoşəkili sosial media hesabında paylaşıb.

Telegramda izləyin