"Kurtlar Vadisi"nin əfsanəvi cütlüyü illər sonra yenidən bir arada

Türk serial tarixinin əfsanəvi layihələrindən olan Kurtlar Vadisinin yaddaşlara həkk olunan obrazları — Abuzer Kömürcünü və onun oğlu Erdalı canlandıran aktyorlar Muhammed Cangören və Sefa Zengin uzun fasilədən sonra yenidən görüşüb.

Sonxeber.az türk mediasına istinadən xəbər verir ki, ikilinin bir araya gəlməsi serialın unudulmaz səhnələrini xatırladaraq izləyicilərə güclü nostalji yaşadıb.

2003-cü ildə yayımlanmağa başlayan və 4 mövsüm boyunca böyük tamaşaçı kütləsi toplayan Kurtlar Vadisi Türk televiziya tarixinin ən çox müzakirə edilən layihələrindən biri olaraq qalır. Serialın fenomen obrazları arasında yer alan Abuzer Kömürcü və oğlu "Zürriyetsiz Erdal" uzun illər keçməsinə baxmayaraq hələ də geniş auditoriya tərəfindən xatırlanır.

Abuzer Kömürcünü canlandıran Muhammed Cangören və Erdal rolunun sahibi Sefa Zengin illər sonra yenidən görüşərək pərəstişkarlarını keçmişə aparan səmimi bir görüşə imza atıblar.

İkilinin illər sonra birlikdə çəkdirdiyi fotoda eyni tərzdə geyinmələri diqqət çəkib. Görüntü qısa müddətdə sosial mediada yayılaraq serialın kult səhnələrini xatırlayan izləyicilər arasında böyük maraq doğurub.

Telegramda izləyin