Ölümü oğlunun əlindən oldu – amansız şəkildə bıçaqladı

Türkiyənin şəhəri Kayserinin Melikgazi rayonunda ata-oğul arasında yaşanan mübahisə faciə ilə nəticələnib.

Sonxeber.az türk mediasına istinadən xəbər verir ki, 61 yaşlı Hayrullah E. ilə 24 yaşlı oğlu F.A.E. arasında hələ də dəqiq bilinməyən səbəbə görə mübahisə yaranıb. Gərginlik artdıqdan sonra mübahisə davaya çevrilib və F.A.E. atasını bıçaqlayaraq yaralayıb.

Xəbərdarlıq sonrası hadisə yerinə polis və təcili tibbi yardım əməkdaşları cəlb edilib. Yaralı ata Erciyes Universiteti Tibb Fakültəsi Xəstəxanasına aparılsa da, həkimlərin səylərinə baxmayaraq həyatını xilas etmək mümkün olmayıb.

Polis hadisədən sonra qaçan şübhəlinin saxlanılması üçün əməliyyat-axtarış tədbirlərini davam etdirir.

Telegramda izləyin