Midyə yedikdən sonra səhhəti pisləşən 4 gənc xəstəxanaya yerləşdirildi

Bursada midyə yedikdən sonra halı pisləşən 4 gənc qusma və başgicəllənmə şikayətləri ilə xəstəxanaya aparılıb.

Sonxeber.az türk mediasına istinadən xəbər verir ki, hadisə Osmangazi rayonunun Tophane ərazisində baş verib. İddiaya görə, dünən Yenişehirdən Bursaya gələn 4 dost şəhəri gəzərək Tophanəyə qalxıb, sonra midyə yeyən M.U. (24), Y.T. (20), M.T. (19) və A.T. (16) avtobusa minib Yenişehire qayıdıblar.

Yolda birdən-birə səhhətləri pisləşən gənclər ailələrinin köməyi ilə Yenişehir Dövlət Xəstəxanasına çatdırılıb. Tibbi müdaxilə altına alınan gənclərin vəziyyətinin yaxşı olduğu qeyd olunub. Hadisədən narahat olan ailələr isə göz yaşlarını saxlaya bilməyib.

Telegramda izləyin