Kişi həyat yoldaşını öldürdükdən sonra özünü vurdu

İzmirin Menemen rayonunda baş vermiş ər-arvad mübahisəsi faciə ilə nəticələnib.

Sonxeber.az türk mediasına istinadən xəbər verir ki, ər həyat yoldaşını tapança ilə vuraraq öldürdükdən sonra eyni silahla özünə atəş açıb. Ağır yaralanan kişi xəstəxanaya çatdırılsa da, həyatını itirib.

Hadisə dünən axşam saat 20:00 radələrində Egekent-2 məhəlləsində baş verib. Hələ səbəbi məlum olmayan mübahisə zamanı Münire Yüzkar (41) ilə Özcan Yüzkar arasında gərginlik yaşanıb. Davanın böyüməsi nəticəsində Özcan Yüzkar həyat yoldaşına atəş açıb. Münire Yüzkar qan içində yerə yıxılıb, Özcan Yüzkar isə eyni silahla özünü vurub.

Silah səslərini eşidən qonşuların məlumat verməsi ilə hadisə yerinə səhiyyə və polis əməkdaşları çağırılıb. Səhiyyə işçilərinin yoxlaması nəticəsində Münire Yüzkarın həyatını itirdiyi müəyyən edilib. Ağır yaralı olaraq xəstəxanaya çatdırılan Özcan Yüzkar isə bütün tibbi müdaxilələrə baxmayaraq dünyasını dəyişib.

Telegramda izləyin