E-coli xəbərdarlıqlarını nəzərə almayan qadın telefonuna görə çaya girdi

ABŞ-ın Texas ştatının San-Antonio şəhərində qeyri-adi və təhlükəli bir hadisə yaşanıb.

Sonxeber.az xarici mediaya istinadən xəbər verir ki, yağışdan sonra E. coli (koli basili) səviyyəsinin artdığı barədə edilən xəbərdarlıqlara baxmayaraq, bir turist telefonunu götürmək üçün tərəddüd etmədən çaya girib. Hadisə digər turistlərin təəccüblü baxışları qarşılanıb.

Telefonunu çaya salan qadın düşünmədən suya girərək ayaqları ilə telefonu axtarmağa başlayıb. O, telefonu tapmağa nail olsa da, bu davranışının yaratdığı risk mütəxəssislərin diqqətinə səbəb olub.

Yağışdan sonra heyvan nəcisinin axar sulara qarışması nəticəsində çaydakı E. coli səviyyəsinin sürətlə yüksəldiyi bildirilir. Rəsmilər çaya girməyin ciddi sağlamlıq riski yaratdığını vurğulayaraq vətəndaşları sudan uzaq durmağa çağırıb.

Mütəxəssislər qeyd edirlər ki, yağışdan sonra bakteriyalar suda daha sürətlə çoxalır və su ilə təmasda infeksiya riski ciddi şəkildə artır.

E. coli nədir?

E. coli — tam adı ilə Escherichia coli — normalda insan və heyvan bağırsaqlarında yaşayan bir bakteriya növüdür. Növlərinin əksəriyyəti zərərsiz olsa da, bəziləri ağır qida zəhərlənmələrinə və müxtəlif infeksiyalara səbəb ola bilər. Bakteriyalar əsasən çirkli su və qida vasitəsilə yayılır.

Telegramda izləyin