Trampın yerişi diqqət çəkdi: Sağlamlığı müzakirə mövzusuna çevrildi - VİDEO

ABŞ Prezidenti Donald Trampın Ağ Evdə nəvəsi ilə Amerikan futbolu oynadığı zaman çəkilən görüntüləri sosial mediada qısa müddətdə geniş müzakirə mövzusuna çevrilib.

Sonxeber.az xarici mediaya istinadən xəbər verir ki, 79 yaşlı Trampın yerişində bəzi tarazlıq pozuntuları və yellənmələr izləyicilər tərəfindən onun sağlamlığı ilə bağlı fərziyyələrə səbəb olub.

Nəvəsi ilə əyləncəli anlar yaşayan Trampın oyun sonrası vəzifəsinə qayıdarkən zaman-zaman yelləndiyi və yanakı addımladığı görünüb. Sosial media istifadəçiləri bu gediş tərzinin xüsusilə nevroloji problemləri olan yaşlılarda və ya iflic olmuş xəstələrdə müşahidə edilə biləcəyini vurğulayaraq müzakirələrə başlayıblar.

Buna baxmayaraq, daha əvvəl Ağ Ev bu iddiaları rədd etmişdi. Trumpın həkimi Sean Barbabella açıqlamasında "Sağlamlıq vəziyyəti fövqəladədir, güclü kardiyovaskulyar, pulmoner, nevroloji və fiziki performans nümayiş etdirir" demişdi.

Trampın aşağı ayaqlarında şişlik və göyərmələrin müşahidə olunmasından sonra isə onun yaşlı yetişkinlərdə tez-tez rast gəlinən, damarlarında qan toplanmasına səbəb olan bir xəstəliyi olduğu açıqlanmışdı. Ağ Ev Mətbuat Katibi Karoline Leavitt isə Trumpın infarkt və iflic riskini azaltmaq üçün aspirin istifadə etdiyini bildirmişdi.

Telegramda izləyin