ABŞ-ni sarsıdan hadisənin ilk görüntüləri üzə çıxdı, hücumçu belə yaxalandı - VİDEO

ABŞ-ın paytaxtı Vaşinqtonda, Ağ Evin yaxınlığında Milli Qvardiya əməkdaşlarına qarşı silahlı hücum baş verib. Hücum nəticəsində iki Milli Qvardiya hərbçisi yaralanıb. Hadisədən sonra hücumçu təhlükəsizlik qüvvələri tərəfindən saxlanılıb.

Sonxeber.az xarici mediaya istinadən xəbər verir ki, şəhərdə böyük təşvişə səbəb olan insident zamanı hücumçunun tutulma anı ərazidə olan bir vətəndaşın mobil telefon kamerasına əks olunub.

Hadisənin baş verdiyi ərazi dərhal nəqliyyat və piyadalar üçün tamamilə bağlanıb. Jurnalistlər Ağ Evin daxilindəki brifinq otağına yönləndirilib. Ağ Ev də təhlükəsizlik məqsədilə müvəqqəti olaraq bağlanıb.

ABŞ Prezidenti Donald Tramp hücumla bağlı ilk açıqlamasını sosial media hesabında verib. O, "İki Milli Qvardiya əsgərini vuraraq hər ikisinin vəziyyətinin kritik olmasına səbəb olan o cani ağır yaralanıb, lakin buna baxmayaraq çox ağır bir cəza alacaq", – deyə bildirib. Prezident əlavə edib: "Uca Milli Qvardiyamıza, ordumuzun bütün üzvlərinə və hüquq-mühafizə orqanlarına Tanrı yardım etsin. Onlar həqiqətən möhtəşəm insanlardır. Mən, Amerika Birləşmiş Ştatlarının Prezidenti olaraq və bu vəzifə ilə bağlı hər kəs adından sizinləyəm."

Telegramda izləyin