Praqada çəkilən görüntü müzakirə yaratdı: "Budur Avropanın bizə göstərilməyən üzü" - VİDEO

Çexiyanın paytaxtı Praqaya səfər edən bir türk vətəndaşının sosial mediada paylaşdığı görüntü Avropa şəhərlərindəki sosial problemləri yenidən gündəmə gətirib.

Sonxeber.az türk mediasına istinadən xəbər verir ki, paylaşılan videoda şəhərin mərkəzindəki bir skamyada yorğun və baxımsız halda yuxuya getmiş gənc qadın və kişinin vəziyyəti əks olunur. Xüsusilə gənc qadının ayağındakı iri yara izi onların ağır həyat şəraiti ilə mübarizə apardığını göstərir.

Vətəndaş görüntünü "Budur Avropanın bizə göstərilməyən üzü…" qeydiylə paylaşaraq vəziyyətin ürək ağrıdıcı olduğunu bildirib.

Görüntü qısa müddətdə böyük maraq və müzakirə doğurub.

Telegramda izləyin