Bahalı çəkmələrlə ayaqyalın uşaqları ziyarət etdi – qınaq obyektinə çevrildi

Adananın Çukurova rayonunun Esentepe məhəlləsində yaşayan aztəminatlı ailələri ziyarət edən AK Parti Adana İl Sədrinin müavini Filiz Kepmenin paylaşımı Türkiyə sosial mediasında böyük müzakirələrə səbəb olub.

Sonxeber.az türk mediasına istinadən xəbər verir ki, Kepme paylaşımında "Qəlblərə toxunmaq, vətəndaşlarla eyni süfrəni və ümidi bölüşmək" sözlərini işlədib. Lakin fotolarda onun geyindiyi təxminən 3 200 manat dəyərində olan lüks çəkmələr diqqət çəkib və tənqidlərə yol açıb.

Paylaşılan görüntülərdə Kepmenin bahalı çəkmələri fonunda, ziyarət etdiyi məhəllədəki uşaqların ayaqlarının çılpaq, hətta corabsız olması sosial mediada narazılıq yaradıb.

İstifadəçilər "Bu fotonu paylaşmağa utanmadınmı?", "Qəlblərə yox — sinif fərqinə toxunmusan", "Kaş ki, paylaşmayaydınız" kimi sərt reaksiyalar veriblər.

Telegramda izləyin