Bülent Ersoy səhnədə əsəblərinə hakim ola bilmədi - VİDEO

Kayseri şəhərində səhnəyə çıxan Türk musiqisinin əfsanəsi Bülent Ersoy, konsert zamanı əsəblərinə hakim ola bilməyib.

Sonxeber.az türk mediasına istinadən xəbər verir ki, repertuarının sevilən mahnılarını ifa edərkən əsəbləşən Diva əvvəlcə mikrofonu əlinə aldı, sonra isə mikrofon masasını sərt şəkildə atdı. Səhnədəki gərginlik izləyicilər arasında böyük təəccüb yaradıb.

Bir müddət hirsli olan Ersoy, səhnənin kənarında gözləyən bir əməkdaşı yanına çağırdı. Onunla sərt tonda fikrini bildirən Diva, barmağını sallayaraq yüksək səslə danışdı. Bu anlar konsert iştirakçıları tərəfindən çəkilərək sosial mediada yayıldı və videolara çoxlu şərhlər gəldi: "Diva yenə səhnədə olay yaratdı".

Konsertin gedişatında Ersoy bir izləyici ilə də maraqlı dialoq qurdu. İzləyicilərlə söhbət edərkən "Heç Kayserili ərim olmadı" deyərək salonu gülüşə boğdu. Lakin bir izləyicinin danışmasından narazı qalan Diva "Sən sussana be!" deyərək sərt reaksiya göstərdi.

Ersoy daha sonra "Vermiş 2 min lirə, durmadan danışır. Sustursanıza bunu, mən bunu dinləyəcəm?" ifadəsi ilə narazılığını ifadə etdi.

Bütün bu gərginliklərə baxmayaraq, Bülent Ersoy konsertini davam etdirərək gecəni musiqi ilə tamamladı. Divanın səhnədəki reaksiyaları konsertdən sonra da sosial medianın ən çox danışılan mövzularından biri oldu.

Telegramda izləyin