Röya Ayxan atası Yaqub Nəcəfovla bağlı danışdı

Xalq artisti Röya Ayxan bu ilin avqustunda vəfat edən atası Yaqub Nəcəfovun son anlarından bəhs edib.

Sonxeber.az xəbər verir ki, sənətçi "İncə səhər" proqramında, süni intellekt vasitəsilə uşaqlığından gələn sualları cavablandırarkən atası ilə bağlı xatirələrini bölüşüb. Röya bildirib ki, atası bir müddət ağır vəziyyətdə idi və aparata qoşulmuşdu. Həkimlər atası üçün "kimdənsə halallıq gözləyir" dedikdə, anası onun əlini sıxaraq ayılmağını xahiş edib:

"Orada bir şey baş verdi, qaçdım həkimləri çağırdım, amma dedilər oyanmadı. Görünür, atam illərlə incitdiyi qadının halallıq verməsini gözləyirdi. O an sevgini gördüm. Anam əlini-ayağını öpdü, dedi ki, ayıl, yenidən birlikdə olaq, amma məni sevgisiz qoyma".

Röyanın bu sözləri izləyicilər arasında dərin təsir yaradıb və sosial şəbəkələrdə geniş müzakirə olunub.

Telegramda izləyin