Gənc kassir atasının gözü önündə güllələndi! - VIDEO

İstanbulun Bağcılar rayonunda bir makler komissiya anlaşmazlığı səbəbindən getdiyi marketdə 21 yaşlı kassiri başından və boynundan vuraraq ağır yaralayıb.

Sonxeber.az türk mediasına istinadən xəbər verir ki, hadisə Bağcılar rayonunda baş verib. İddiaya görə, bir müddət əvvəl bir ailənin ev satışını həyata keçirən makler ata Furkan G.-ni zəng edərək 10 min TL komissiya haqqının ödənmədiyini bildirib. Ailənin böyük oğlu Mustafa G. komissiyanın ödənildiyini atasına çatdırsa da, makler pulunu almadığını iddia etməyə davam edib.

Ekol TV-nin məlumatına görə, pulunu ala bilmədiyini iddia edən makler ailənin işlət­diyi marketə gedib. Müştəri kimi içəri daxil olan şəxs kassada duran 21 yaşlı Furkan G.-yə silahla atəş açıb. Gənc kassir qan içində yerə yıxılıb. Şübhəli daha sonra ətrafa da atəş açaraq hadisə yerindən qaçıb. Hadisə zamanı Furkanın atası da orda olub.

Başından və boynundan vurulan gəncin vəziyyətinin ağır olduğu bildirilib. Məlumata görə, Furkan G. bir həftə sonra keçiriləcək toyuna hazırlaşırdı.

Hadisədən sonra qaçan makler barəsində genişmiqyaslı axtarış işləri aparılır. Faktla bağlı araşdırma davam edir.

Telegramda izləyin