Bu kənddə hər kəs kor doğulur - FOTO

Mavritaniyanın səhrasının dərinliklərində yerləşən ucqar bir kənd, dünyada ən qeyri-adi yaşayış formalarından birinə ev sahibliyi edir.

Sonxeber.az xarici mediaya istinadən xəbər verir ki, yüz illərdir davam edən genetik bir pozğunluq səbəbilə kənd əhalisinin demək olar ki, hamısı görmə qabiliyyəti olmadan dünyaya gəlir. Bu unikal vəziyyət bölgəni həm elmi araşdırmaların, həm də sənədli film layihələrinin diqqət mərkəzinə çevirib.

Elektrik, internet və müasir həyatın əsas ehtiyaclarının olmadığı kənddə yaşam ənənəvi üsullarla davam edir. Xarici dünya ilə əlaqəsi son dərəcə məhdud olan kənd sakinləri, nəsillər boyu formalaşdırdıqları bacarıqlar sayəsində gündəlik həyatlarını idarə etməyi bacarırlar. Topluluq içindəki güclü həmrəylik çətin şəraitə baxmayaraq həyatı mümkün edir.

Mütəxəssislər bildirirlər ki, kənddəki görmə itkisinə səbəb olan genetik problemin kökündə bölgənin uzun müddət izolyasiya vəziyyətində qalması dayanır. Bu təcrid olunmuş həyat tərzi genetik pozğunluğun nəsildən-nəsilə ötürülərək bu günə qədər davam etməsinə şərait yaradıb.

Telegramda izləyin