Kişi barəsində uzaqlaşdırma qərarı aldıran həyat yoldaşının evini yandırıb - VİDEO

Diyarbakırın Bağlar ilçəsində yaşayan M.K., həyat yoldaşının onun barəsində uzaqlaşdırma qərarı aldırdığını öyrənəndə əsəblərinə hakim ola bilməyərək yaşadığı evi od vurub yandırıb.

Sonxeber.az türk mediasına istinadən xəbər verir ki, hadisə Bağcılar məhəlləsində yerləşən bir yaşayış kompleksində axşam saatlarında baş verib.

Məlumata görə, bir müddətdir ailədaxili problemlər yaşayan M.K., 1-ci mərtəbədə yerləşən mənzilə gələrək içərini yandırıb. Alovları görən qonşular dərhal yanğınsöndürən, təcili yardım və polis qruplarına məlumat veriblər. Yanğın qısa müddətdə nəzarət altına alınıb.

Dumandan zərər görən M.K.-ya hadisə yerində tibbi yardım göstərilib və o, xəstəxanaya aparılıb. Hadisə ilə bağlı polis tərəfindən araşdırma aparılır.

Telegramda izləyin