Kişi həyat yoldaşını və bacanağını öldürüb, hadisə yerindən qaçdı

Adıyamanda dəhşətli qətl hadisəsi baş verib.

Sonxeber.az türk mediasına istinadən xəbər verir ki, Besni rayonunun Aşağısarhan məhəlləsində A.S. adlı şəxs naməlum səbəbdən həyat yoldaşı, 4 uşağının anası Selvi S.-ni və bacanağı Muharrem Arslanı silahla vuraraq qətlə yetirib. Hadisədən sonra A.S. dərhal ərazidən qaçaraq izini itirib.

Silah səslərindən sonra verilən məlumat əsasında əraziyə təcili tibbi yardım və polis əməkdaşları cəlb olunub. Hadisə yerinə çatan qruplar 35 yaşlı qadın və 50 yaşlı kişinin artıq həyatını itirdiyini müəyyənləşdirib. Meyitlər müayinədən sonra xəstəxananın morquna aparılıb.

Polis həm hadisə yerində araşdırma aparır, həm də qaçan şübhəlinin saxlanılması üçün genişmiqyaslı əməliyyatlara başlayıb.

Telegramda izləyin