Qızıl, gümüş və mis konsentratının hasilatı artıb

Bu ilin yanvar-noyabr aylarında ölkədə metal filizlərinin hasilatında artım qeydə alınıb.

Oxu.Az rəsmi statistikaya istinadən xəbər verir ki, hesabat dövründə Azərbaycanda 2 min 815 kq qızıl və 3 min 505.5 kq gümüş hasil edilib.

Ötən ilin eyni dövrü ilə müqayisədə qızıl hasilatı 9.7 faiz və ya 247.8 kq, gümüş hasilatı isə 14.4 faiz və ya 441.3 kq artıb.

Cari ilin dekabr ayının 1-nə qızıl və gümüş üzrə hazır məhsul ehtiyatı müvafiq olaraq 155 kq və 885.3 kq təşkil edib.

Bu ilin 11 ayı ərzində 6 min 420.6 ton mis konsentratı hasil olunub ki, bu da əvvəlki ilin müvafiq dövrü ilə müqayisədə 32.1 (3 205.5 faiz) dəfə artıb. Həmin tarixə mis konsentratı üzrə hazır məhsul ehtiyatı 2 min 539.2 ton olub.

Telegramda izləyin