Toylar necə keçiriləcək? - AÇIQLAMA

Artıq bir ilə yaxındır ki, koronavirus infeksiyası səbəbindən ölkədə toyların keçirilməsinə qadağa qoyulub. Karantin qaydalarının növbəti yumşaldılmasından sonra toyların da keçirilməsinə icazə ilə bağlı sual hər kəsi düşündürür. Bəs toylar hansı qaydalar əsasında təşkil oluna bilər?

Mövzu ilə bağlı professor Adil Qeybulla Sonxeber.az-a açıqlama verib:

"Epidemioloji vəziyyət stabilləşdikcə sosial həyatımızdakı digər qadağalar da aradan götürülə bilər, o cümlədən kütləvi tədbirlərin, toy mərasimlərinin keçirilməsi gündəmə gələ bilər. Bunlar da müəyyən bir formatda həyata keçiriləcək. Birinci format sayla, ikinci format isə mühitlə bağlıdır.

Qarşıdan yay gəldiyinə görə toyları açıq havada həyata keçirtmək olar. Əgər payıza doğru epidemioloji vəziyyət daha da stabilləşərsə, bunu qapalı mühitdə də keçirtmək olar. Hər şey situasiyadan asılı olacaq. Amma hesab edirəm ki, ümumiyyətlə, toyların formatı dəyişdirilməlidir. Böyük həcmli toylardan çəkinmək lazımdır.

Düşünürəm ki, hazırda toyların açıq havada təşkili prosesi məqsədə uyğun hesab edilə bilər. Toyda iştirak edənlərin say tərkibi isə təxminən 100 nəfərə qədər müəyyənləşdirilə bilər".

Aysel Səmədli

Telegramda izləyin