13 nömrəli avtobus niyə gecikir? - RƏSMİ AÇIQLAMA

Saytımıza 13 nömrəli avtobus marşrutu ilə bağlı çoxsaylı şikayətlər daxil olur.

Sərnişinlər avtobusun təxminən yarım saat gecikdiyini bildirirlər. Hətta bu gün saat 10:00-10:30 aralığında gecikmə o qədər uzun çəkib ki, 7B marşrutunun sürücüsü 13 nömrəli avtobusun əvəzinə hərəkət edərək sərnişinləri götürüb aparıb.

Bu gecikmələrin əsas səbəbi nədir?

Məsələ ilə bağlı AYNA-nın media ilə əlaqələr şöbəsinin baş mütəxəssisi Günay Elşadqızı Sonxeber.az -a açıqlama verib:

"13 nömrəli avtobusda 18 avtobus 8-10 dəqiqə hərəkət intervalı ilə fəaliyyət göstərir. Lakin günün pik saatlarında marşrutun hərəkət sxemi üzrə yaranan nəqliyyat sıxlığı intervalın artmasına səbəb ola bilir. Daşıyıcılara xəttin nizamlı fəaliyyətinin təmin edilməsi, hərəkət cədvəlinə riayət olunması, avtobus sayının sərnişin tələbatına uyğun tənzimlənməsi ilə bağlı müvafiq tapşırıqlar verilib. Avtobusların intervallarının təmin edilməsi üçün Bakı şəhərində avtobus zolaqları şəbəkəsi yaradılıb. Bu şəbəkə tərəfimizdən genişləndiriləcək".

Telegramda izləyin