Dünyaca məşhur ada qırmızı rəngə boyandı! Səbəb nədir? - VİDEO

İranın Hürmüzgan vilayətinə bağlı Hürmüz adasında qeyri-adi təbiət hadisəsi baş verib.

Sonxeber.az xarici mediaya istinadən xəbər verir ki, dünyaca məşhur ada yağıntılardan sonra qırmızı rəngə bürünüb və bu mənzərə böyük marağa səbəb olub.

Məlumata görə, adanın qırmızı rəng almasının əsas səbəbi torpağında dəmir oksidin yüksək miqdarda olmasıdır. Yağışdan sonra bu maddə səthə çıxaraq ərazini qırmızı çalarlarla örtüb.

Sosial şəbəkələrdə yayılan görüntülərdə yağışın təsiri və dalğaların sahilə vurması nəticəsində qırmızı torpağın dənizlə birləşdiyi, bunun isə bölgədə vizual baxımdan olduqca diqqətçəkən təbii mənzərə yaratdığı əks olunub. Vulkanik və çöküntü süxurları ilə tanınan Hürmüz adası bu xüsusiyyəti sayəsində qısa zamanda yerli və xarici istifadəçilərin maraq mərkəzinə çevrilib.

Mütəxəssislər bildirirlər ki, bu hadisə tamamilə təbii prosesdir və adanın geoloji quruluşu ilə birbaşa bağlıdır.

Telegramda izləyin