Leonardo DiCaprio-dan illər sonra "Titanik" etirafı

"Titanic" filmi ilə dünya şöhrəti qazanan, "Oskar" mükafatlı aktyor Leonardo DiCaprio sinema tarixinin ən ikonik ekran işlərindən biri ilə bağlı maraqlı açıqlama verib.

Bu barədə Sonxeber.az xarici mediaya istinadən xəbər verir.

Məşhur aktyor etiraf edib ki, karyerasının ən yaddaqalan filmlərindən sayılan "Titanic"i indiyədək bir dəfə də olsun yenidən izləməyib.

51 yaşlı Leonardo DiCaprio "Variety" jurnalının Actors on Actors layihəsi çərçivəsində aktrisa Cennifer Lourenslə (Jennifer Lawrence) apardığı söhbət zamanı səmimi fikirlər səsləndirib. O, rol aldığı filmləri yenidən izləməyi çox sevmədiyini bildirib və bu səbəbdən "Titanic"i də heç vaxt təkrar izləmədiyini deyib.

Söhbət zamanı Cennifer Lourensin "Titanic"i yenidən izləmisənmi?" sualına DiCaprio qısa və qəti şəkildə "Xeyr, izləməmişəm" cavabını verib. Lourens filmin yenidən izləməyə dəyər olduğunu deyərək aktyoru razı salmağa çalışıb: "Mütləq baxmalısan. İndi rahatlıqla izləyə bilərsən, çox gözəldir".

Bunun üzərinə DiCaprio zarafatla cavab verərək, "Mən filmlərimi adətən izləmirəm, bəs sən öz filmlərinə baxırsan?" deyə sual ünvanlayıb. Lourens isə gülərək, "Xeyr, amma ‘Titanic’ kimi bir film çəksəydim, əlbəttə ki, izləyərdim", - deyə cavab verib.

Telegramda izləyin