Avropa və Afrikanı sualtı meqatunellə birləşdirmək istəyirlər: Harada çəkiləcək?
Avropadan Afrikaya birbaşa quru yolu ilə keçid ideyası uzun illərdir müzakirə olunur. Lakin indiyədək bu plan mühəndislik baxımından keçilməz sayılan çətinliklərə görə reallaşmayıb. İndi isə alimlər bildirirlər ki, müasir texnologiyalar sayəsində Cəbəllütariq boğazının altından tunel çəkərək Mərakeşi İspaniya ilə birləşdirmək artıq mümkündür.
Qaynarinfo xəbər verir ki, "The Olive Press" nəşrinin yazdığına görə, Almaniyalı mütəxəssislərin İspaniya hökumətinin sifarişi ilə apardığı tədqiqat hazırkı texnoloji səviyyədə boğazın altından dəmir yolu tunelinin inşa edilə biləcəyini təsdiqləyib. Bunun ardınca İspaniya hakimiyyəti mütəxəssislərə gələn ilin sonunadək layihə planının hazırlanması tapşırığını verib ki, 2027-ci ildə hökumət bu təşəbbüsü təsdiqləyə bilsin.
Qeyd olunur ki, Afrikaya tunel çəkilməsi ideyası İspaniyada hələ 1970-ci illərdən müzakirə olunur. Müxtəlif dövrlərdə ispan siyasətçilər bu təşəbbüsü seçki kampaniyalarında gündəmə gətiriblər, hətta layihə hökumət proqramlarına da salınıb, lakin indiyədək konkret addımlar atılmayıb.
Cəbəllütariq boğazının 14 kilometrlik hissəsi altında tunelin çəkilişində Böyük Britaniya ilə Fransanı La-Manş boğazının altından birləşdirən "Avrotunel" modelinin tətbiqi nəzərdə tutulur. Layihəyə əsasən, hər biri yalnız bir istiqamətdə fəaliyyət göstərəcək iki paralel tunel inşa olunacaq.
Tunelin giriş və çıxış nöqtələri Kadis əyalətində yerləşən Punta-Paloma ərazisində və Tanjer yaxınlığındakı Malabata burnunda olacaq. Bu səbəbdən marşrut boğazın ən dar yerindən deyil, ondan bir qədər qərbdən keçəcək. Tunelin ümumi uzunluğu təxminən 42 kilometr olacaq. Bunun təqribən 28 kilometri suyun altında yerləşəcək, maksimal dərinlik isə 470 metri keçəcək ki, bu da "Avrotunel"dən daha dərindir.
Hesablamalara görə, bu tunel vasitəsilə sərnişin və yük daşımaları cəmi 30 dəqiqə çəkəcək.
Layihə təsdiqlənərsə, yerüstü hazırlıq işlərinə 2030-cu ildə başlamaq mümkün olacaq. Əsas tikinti mərhələsinin isə 2035-2040-cı illəri əhatə edəcəyi gözlənilir, baxmayaraq ki, bu tarixlər hələlik ilkin hesab olunur.
Layihənin təxmini dəyəri azı 15 milyard avro təşkil edir. Bunun 8,5-9 milyard avrosunun İspaniya, qalan hissəsinin isə Mərakeş tərəfindən maliyyələşdirilməsi planlaşdırılır.
Xatırladaq ki, daha əvvəl İtaliya hökuməti Siciliya adası ilə ölkənin materik hissəsini Messina boğazı üzərindən birləşdirəcək körpünün inşası imkanlarını araşdırmağa başlayıb. Bu körpü ideyası hələ antik dövrlərdən müzakirə edilsə də, heç vaxt reallaşdırılmayıb və sonuncu dəfə 2013-cü ildə sərt qənaət siyasəti səbəbindən dayandırılıb.
2023-cü ildə Corciya Meloninin rəhbərlik etdiyi hökumətin hakimiyyətə gəlişindən sonra layihə yenidən gündəmə gətirilib. Söhbət Messina ilə Kalabriya regionu arasında 3,6 kilometr uzunluğunda asma körpünün tikintisindən gedir. Layihənin dəyəri 13,5 milyard avro olaraq qiymətləndirilir və optimist ssenariyə görə, tikintinin 2032-ci ildə başa çatdırılması mümkündür.
Sonxeber.az
Telegramda izləyin
Maraqlı Baxılıb: 802 Tarix: 19 dekabr 2025
Şikayətiniz varsa Whatsapp: 077 7125666
Facebookda PaylaşSatın aldığı qırıq çaydan ona sərvət qazandırdı
İngiltərədə bir kolleksiyaçının cəmi 15 sterlinqə aldığı sınıq və qapaqsız çaydanlığın ABŞ-da istehsal edilmiş ən qədim çini nümunələrindən biri olduğu üzə çıxıb. Təxminən 30 ildir keramika kolleksiyası toplayan alıcının diqqətini çəkən tarixi əşya hərracda 575 min sterlinqə satılıb. Çaydanlıq Nyu-Yorkdak
7 noyabrRent a car üçün ən çox seçilən avtomobillər hansıdır?
Sedan, yoxsa krossover icarəyə götürmək istəyirsiniz? Avtomobil seçərkən nələrə diqqət edilməlidir? Rent a car üçün ekonom, sedan, SUV və miniven avtomobillər təklif olunur. Avtomobillər salon genişliyi, yanacaq sərfiyyatı və baqaj həcminə görə fərqlənir. Ekonom sinif rent a car avtomobilləri. Az yanaca
17 noyabrPomidoru soyuducuda saxlamayın
Təzə pomidorları soyuducuda saxlamaq onların dadına, ətrinə və quruluşuna mənfi təsir göstərə bilər. Mütəxəssislərin fikrincə, pomidorları otaq temperaturunda saxlamaq daha məqsədəuyğundur. xarici mediaya istinadən xəbər verir ki, meyvə, tərəvəz və göyərtiləri aldıqdan dərhal sonra soyuducuya yerləşdirmə
14 noyabrSoyuducudakı bu düymə tərəvəzin taleyini həll edir
Soyuducuda saxlanılan tərəvəzlərin tez solması və ya çürüməsi bir çox evdə qarşılaşılan problemlərdəndir. Lakin soyuducuların tərəvəz bölməsində (crisper) olan kiçik sürgülü düymə meyvə və tərəvəzlərin daha uzun müddət təzə qalmasına kömək edir. xəbər verir ki, çəkməcənin içindəki nəmlik səviyyəsin
15 noyabrƏvvəl ağ idi: təkər şinləri niyə qara rəngdə istehsal olunur?
Bu gün yollarda gördüyümüz avtomobillərin demək olar ki, hamısının təkərləri qara rəngdədir. Lakin maraqlıdır ki, ilk avtomobil şinləri qara deyil, ağ rəngdə istehsal olunurdu. Bəs zamanla onların rəngi niyə dəyişdi?. xarici mediaya istinadən xəbər verir ki, avtomobil şinlərinin qara rəngdə olmasını
15 noyabrİnsan ölənə yaxın bu 4 sözü deyir - "Səni sevirəm"...
İnsan həyatının son anlarında nələr düşünür və hansı sözləri deməyə çalışır? Uzun illər ağır xəstələrlə çalışan məşhur onkoloq insanların ölümə yaxın vaxtlarda ən çox işlətdikləri dörd ifadəni açıqlayıb. xarici mediaya istinadla xəbər verir ki, tanınmış onkoloq, yazıçı və Pulitser mükafatı laureatı Siddharth
15 noyabrKlozetin içinə 1 ədəd su şüşəsi qoyun, fərqi görün
Evdə su sərfiyyatını azaltmaq məqsədilə klozet rezervuarlarına plastik şüşə qoyulması üsulu yenidən gündəmə gəlib. Mütəxəssislər düzgün quraşdırmanın vacibliyinə diqqət çəkiblər. xəbər verir ki, ev şəraitində su istehlakını azaltmaq üçün köhnə bir praktika olan rezervuara plastik şüşə yerləşdirmə üsul
7 noyabrKotletlər tavaya yapışmayacaq - Peşəkar aşpazların gizli üsulu
Kotlet bişirmək ilk baxışdan çox sadə görünür. Lakin bəzən kotletlər tavaya yapışır, çevirərkən dağılır və ən dadlı, qızarmış hissəsi tavanın dibində qalır. Bunun səbəbi çox vaxt qiymənin hazırlanmasında deyil, bişirmə zamanı yol verilən səhvlərdə olur. xarici mediaya istinadən xəbər verir ki, peşəka
15 noyabrBeyin əməliyyatından sonra insanları pişik kimi görməyə başladı
ABŞ-də yaşayan 28 yaşlı kişi keçirdiyi beyin əməliyyatından sonra nadir görülən nevroloji pozğunluqla üzləşib. Belə ki, o, gün ərzində qarşılaşdığı insanların üzlərində öz ev heyvanı - "Luna" adlı pişiyinin cizgilərini görməyə başlayıb. "Qafqazinfo" xəbər verir ki, Dartmut Kollec
17 noyabr