Ağzını, əlini və ayaqlarını "skoç"la bağladı - Qusarda dəhşətli qətlin TƏFƏRRÜATLARI - VİDEO

Qadın aldadılaraq başqa evə çağrılıb, orada öldürülüb.

Xezerxeber.az xəbər verir ki, hadisə Qusarın Hil kəndində baş verib. Kənd sakini 32 yaşlı Diana Təyibovanın üzərində zorakılıq əlamətləri olan meyiti evdə tapılıb. Onun qətlində ayrı yaşadığı həyat yoldaşı, 35 yaşlı Asif Təyibov şübhəli bilinir.

Mərhumun qohumlarının iddialarına görə, Asif Təyibov ondan boşanmaq istəyən həyat yoldaşını ayrı kirayə ev tutaraq orada yaşayacaqları vədi ilə aldadıb. Qadını da həmin evə çağırıb. Hadisə də orada baş verib.

Faktla bağlı Qusar prokurorluğunda cinayət məcəlləsinin 120.1-ci, qəsdən adam öldürmə maddəsi ilə cinayət işi başlanıb. Asif Təyibov şübhəli şəxs qismində tutulub, ibtidai istintaq davam etdirilir.

Məlumata görə, onlar rəsmi şəkildə boşanmayıblar, lakin qadın iki ildir ayrı yaşayırmış.

Telegramda izləyin