Belə evlilik təklifi görülməmişdi: Qorxu və sevinc bir arada - VİDEO

Türkiyənin Düzcə şəhərində qeyri-adi evlilik təklifi baş verib.

Sonxeber.az türk mediasına istinadən xəbər verir ki, əldə olunan məlumata görə, Onur Eski evlilik təklifini unudulmaz etmək üçün dostlarının köməyi ilə maraqlı bir plan hazırlayıb.

Onur Eski sevgilisi Elif Ceylanı telefonla zəng vuraraq qəza keçirdiyini deyib. Bu xəbəri alan Elif Ceylan böyük panika və narahatlıq içində qısa müddətdə hadisə yerinə gəlib.

Hadisə yerinə çatan Ceylan sevgilisini yerdə uzanmış vəziyyətdə görəndə jurnalistlərin çəkiliş aparmasına etiraz edib və bir an belə onun yanından ayrılmayıb. Məhz bu anda Onur Eskinin dostları əllərində məşəllərlə əraziyə daxil olub və Elif Ceylan bunun sürpriz evlilik təklifi olduğunu anlayıb.

Evlilik təklifi qarşısında duyğulu anlar yaşayan Elif Ceylan eyni anda həm qorxu, həm də böyük sevinc hiss edib. Onur Eskinin evlilik təklifini qəbul edən Ceylan ətrafdakıların alqışları arasında sevincini bölüşüb.

Hadisə zamanı ətrafdakı vətəndaşlar və cütlüyün dostları bu maraqlı anları mobil telefonlarla qeydə alıblar. Görüntülər sosial mediada da geniş maraq doğurub. Onur Eski və Elif Ceylan bu xüsusi günü həyatları boyu unutmayacaqlarını bildiriblər.

Telegramda izləyin