Sinan Akçıl tələbələrə açıq şəkildə bildirdi: "Yaxşı pul yoxdursa, gəlmirəm"

Bir universitet tərəfindən tələbələrin iştirakı ilə təşkil olunan mükafat mərasimi tanınmış simaların sıx marağına səbəb olub.

Sonxeber.az türk mediasına istinadən xəbər verir ki, tədbirdə iştirak edən sənətçilər arasında ən çox diqqət çəkən ad isə məşhur müğənni Sinan Akçıl olub.

"Tabi Tabi", "Yüzyılın Aşkı", "Şarttır" və "Kay Kay" kimi hit mahnıları ilə tanınan Akçıl, mərasim zamanı verdiyi açıqlamalarla gündəm yaradıb.

Müğənni mükafat mərasimlərinə qatılma şərtlərini açıq şəkildə dilə gətirərək, bu cür tədbirlərdə ciddilik və şəffaflığın onun üçün əsas meyar olduğunu bildirib.

Sinan Akçıl qeyd edib ki, zəif təşkil olunmuş, qeyri-peşəkar mükafat mərasimlərinə qatılmır:
"Ciddi şəkildə təşkil olunmayan, bəsit şəkildə keçirilən mükafat mərasimlərinə getmirik. Mükafat mərasimləri üçün yaxşı məbləğ tələb edirəm. Bu pulun ianə edildiyini qəbzlə görmək istəyirəm. Qəbzi gördüyüm anda tədbirdə iştirak edirəm. Yaxşı pul istəyirik", - deyə o vurğulayıb.

Akçılın bu açıqlamaları sosial şəbəkələrdə və ictimaiyyətdə geniş müzakirələrə səbəb olub.

Telegramda izləyin