İngilis dili müəlliminin dərsdə geyindiyi geyim sosial mediada müzakirələrə səbəb olub - VİDEO

Türkiyədə dərs zamanı ingilis dili müəlliminin geyindiyi geyim sosial şəbəkələrdə geniş müzakirələr yaradıb.

Sonxeber.az türk mediasına istinadən xəbər verir ki, sosial mediada paylaşılan video dərs zamanı çəkilən görüntülərə görə qısa zamanda gündəmə çevrilib. Videoda müəllimin geyim tərzi, davranış və hərəkətləri bir çox istifadəçi tərəfindən müzakirə mövzusuna çevrilib və geniş şəkildə paylaşılıb.

Videoya baxan bəzi istifadəçilər müəllimin geyimini adi və sadə hesab etdiklərini bildiriblər. Digər istifadəçilər isə bu şəkildə dərs keçməyin düzgün olmadığını irəli sürüblər. Etiraz edən istifadəçilərin bir qismi Milli Təhsil naziri Yusuf Tekini etiketləyərək məsələ ilə bağlı addım atılmasına çağırış ediblər.

Paylaşımın altındakı şərhlərdə, "Bu biabırçılığa bax, boz pijama ilə dərsə girib. İnsan bir az da olsa peşəsinə hörmət edər" və "Məktəb rəhbərliyi buna necə icazə verib?" kimi fikirlər diqqət çəkib.

Telegramda izləyin