Qurduqları tələyə baxın: Beş canavar bir iti görün necə ovladı - VİDEO

Bayburtda 5 canavarın iti tələyə salmağa çalışdığı anlar kameraya düşdü

Bayburtun Oruçbəyli kəndində 5 canavarın bir iti tələyə salmağa cəhd etdiyi anlar təhlükəsizlik kamerasına əks olunub.

Sonxeber.az türk mediasına istinadən xəbər verir ki, görüntülər kənd sakinləri arasında narahatlıq yaradıb, canavarların yaşayış məntəqələrinə yaxınlaşması isə diqqət çəkib.

Qış aylarında yem tapmaqda çətinlik çəkən və Oruçbəyli kəndinin yaşayış ərazisinə enən 5 canavarın bir iti hədəf aldığı anlar kameralar tərəfindən qeydə alınıb.

Kadrlarda sürüdən ayrılan bir canavarın itin diqqətini çəkərək onu arxasınca aparmağa çalışdığı, bu vaxt ətrafda gizlənən digər canavarların hərəkətə keçdiyi əks olunub.

İtin əsas yoldan uzaqlaşması ilə yol kənarında pusquda gözləyən digər 4 canavarın da qısa müddət ərzində gözdən itdiyi müşahidə olunub. Kənd sakinləri son dövrlərdə canavarların yaşayış sahələrinə yaxınlaşmasından ciddi narahatlıq keçirdiklərini bildiriblər.

Telegramda izləyin