Keçmiş ər-arvad avtodayanacaqda öldürüldü - VİDEO

Çanaqqalanın Ayvacık rayonunda baş verən silahlı hücum nəticəsində keçmiş ər-arvad Barış Tekebaş və Duygu Karabaş həyatını itirib.

Sonxeber.az türk mediasına istinadən xəbər verir ki, Ayvacık rayonunda yerləşən yediəmin avtodayanacağına gələn naməlum şübhəli ilə Barış Tekebaş arasında hələlik məlum olmayan səbəbdən mübahisə yaranıb. Mübahisənin böyüməsi nəticəsində şübhəli şəxs Barış Tekebaşı və onun keçmiş həyat yoldaşı Duygu Karabaşı silahla atəşə tutub.

Hadisə ilə bağlı daxil olan məlumatdan sonra əraziyə polis və 112 Təcili Tibbi Yardım briqadaları cəlb olunub. Həkimlərin apardığı ilkin müayinələr zamanı Tekebaş və Karabaşın hadisə yerində həyatını itirdiyi müəyyən edilib.

Hadisədən sonra qaçan şübhəlinin saxlanılması üçün polis əməkdaşları tərəfindən genişmiqyaslı axtarış tədbirləri həyata keçirilir.

Faktla bağlı araşdırma davam etdirilir.

Telegramda izləyin