Oyun salonunda baş verən dava qanla bitdi

Kayserinin Melikgazi rayonunda yerləşən oyun salonunda iki nəfər arasında baş verən bıçaqlı dava nəticəsində bir nəfər ağır yaralanıb. Hadisədən sonra qaçan şübhəli polis əməkdaşları tərəfindən saxlanılıb.

Sonxeber.az türk mediasına istinadən xəbər verir ki, əldə olunan məlumata görə, Hisarcık məhəlləsi Mehmet Özhaseki bulvarında yerləşən oyun salonunda 19 yaşlı H.H.K. ilə 23 yaşlı C.A.A. arasında hələlik naməlum səbəbdən mübahisə yaranıb. Mübahisənin qısa zamanda böyüməsi nəticəsində C.A.A. üzərində olan bıçaqla H.H.K.-yə xəsarət yetirib.

Hadisə ilə bağlı əraziyə çox sayda polis və təcili tibbi yardım briqadası cəlb olunub. Polis əməkdaşları ətrafda təhlükəsizlik tədbirləri görərkən, yaralı H.H.K. hadisə yerində göstərilən ilkin tibbi yardımdan sonra təcili yardım avtomobili ilə Erciyes Universiteti Tibb Fakültəsi Xəstəxanasına çatdırılıb. Onun vəziyyətinin ağır olduğu bildirilir.

Hadisə yerindən qaçan C.A.A. polis tərəfindən aparılan əməliyyat-axtarış tədbirləri nəticəsində saxlanılıb. Faktla bağlı araşdırma aparılır.

Telegramda izləyin