Hamilə qadını döyüb küçəyə atdılar

Türkiyənin Aksaray şəhərində 4 aylıq hamilə qadın naməlum şəxs və ya şəxslər tərəfindən döyülərək küçəyə atılıb.

Sonxeber.az türk mediasına istinadən xəbər verir ki, hadisə Kurtuluş məhəlləsində, Çərşənbə Semt Bazarı ətrafında baş verib. İlkin məlumata görə, 39 yaşlı, xarici vətəndaş olan Esma N. adlı qadın kimliyi hələlik müəyyən edilməyən şəxs və ya şəxslər tərəfindən fiziki zorakılığa məruz qalıb və daha sonra küçəyə atılıb.

Qadının çığlıqlarını eşidən ərazi sakinləri dərhal 112 Təcili Çağrı Mərkəzinə məlumat veriblər. Hadisə yerinə polis və təcili tibbi yardım briqadaları cəlb olunub. Yaralı qadına ilkin tibbi yardım göstərildikdən sonra o, təcili tibbi yardım avtomobili ilə Aksaray Təhsil və Araşdırma Xəstəxanasının təcili yardım şöbəsinə çatdırılıb.

Qadının xəstəxanada müalicəsi davam etdirilir. Polis əməkdaşları hadisəni törədən şübhəli şəxs və ya şəxslərin saxlanılması istiqamətində əməliyyat-axtarış tədbirlərinə başlayıb.

Faktla bağlı Aksaray Respublika Baş Prokurorluğu tərəfindən araşdırma aparılır.

Telegramda izləyin