16 yaşlı nəvəsi tərəfindən bıçaqlanan nənə həyatını itirib - VİDOE

Türkiyənin Manisa vilayətinin Turgutlu rayonunda baş verən ailə faciəsində 16 yaşlı nəvə nənəsini bıçaqlayaraq ölümünə səbəb olub.

Sonxeber.az türk mediasına istinadən xəbər verir ki, hadisə axşam saat 21:30 radələrində Subaşı məhəlləsi, Tarabya küçəsində qeydə alınıb.

İlkin məlumata görə, 16 yaşlı B.K.G. evdə olduğu vaxt 73 yaşlı nənəsi Nazen Gümüş ilə naməlum səbəbdən mübahisə edib. Mübahisə zamanı yeniyetmə nənəsini qulaq arxasından və boynundan bıçaqlayaraq ağır yaralayıb.

Hadisə ilə bağlı daxil olan məlumat əsasında əraziyə polis və təcili tibbi yardım briqadaları cəlb olunub. Ağır vəziyyətdə olan Nazen Gümüş təcili tibbi yardım avtomobili ilə Turgutlu Dövlət Xəstəxanasına çatdırılıb. Lakin həkimlərin bütün səylərinə baxmayaraq, yaşlı qadının həyatını xilas etmək mümkün olmayıb.

Hadisəni törətməkdə şübhəli bilinən nəvə B.K.G. polis əməkdaşları tərəfindən saxlanılıb.

Məlumata görə, həyatını itirən Nazen Gümüş Sivasdan Turgutlu rayonunda yaşayan oğlunu ziyarətə gəlibmiş. Şübhəli yeniyetmənin isə ata-anasi boşandıqdan sonra anası ilə birlikdə Mersində yaşadığı və hadisə zamanı ailə ziyarəti üçün Turgutluya gəldiyi öyrənilib.

Faktla bağlı araşdırma davam etdirilir.

Telegramda izləyin