Küçədə şübhəli çanta təşviş yaratdı: polis tərəfindən zərərsizləşdirildi - VİDEO

Türkiyənin İsparta şəhərinin ən hərəkətli nöqtələrindən biri olan Kaymakkapı Meydanında qoyulan şübhəli çanta qısa müddətli panikaya səbəb olub.

Sonxeber.az türk mediasına istinadən xəbər verir ki, hadisə saat 17:30 radələrində Kutlubey məhəlləsi, Universitet prospektində yerləşən avtobus dayanacaqları ərazisində baş verib.

Məlumata görə, Kaymakkapı Meydanında Kart Dolum Mərkəzinin qarşısında avtobus dayanacaqlarının yaxınlığında qoyulan şübhəli çanta ərazidə olan vətəndaşları təşvişə salıb.

Daxil olan məlumat əsasında hadisə yerinə çoxsaylı polis qüvvələri cəlb edilib, ərazidə geniş təhlükəsizlik tədbirləri görülüb. Risk ehtimalına qarşı vətəndaşlar təhlükəsiz zonalara yönləndirilib.

Hadisə yerinə gətirilən bomba zərərsizləşdirmə mütəxəssisləri tərəfindən şübhəli çanta fünyə ilə nəzarətli şəkildə açılıb. Aparılan yoxlama zamanı çantanın boş olduğu aşkarlanıb.

Polis əməkdaşları şübhəli çantanı əraziyə qoyan şəxs və ya şəxslərin müəyyən edilməsi məqsədilə ətrafdakı təhlükəsizlik kameralarının görüntülərini araşdırmağa başlayıb.

Telegramda izləyin