Qiyamət üçün tarix verdi, gəmilər tikdirdi: yüzlərlə insan axın etdi - VİDEO

Qanada yaşayan və özünü "Ebo Noah" kimi təqdim edən bir şəxs iddia etdiyi yuxudan sonra "qiyamət" xəbərdarlığı ilə diqqət çəkən addım atıb.

Sonxeber.az xarici mediaya istinadən xəbər verir ki, o, böyük bir sel fəlakətinin baş verəcəyini irəli sürərək 10 ədəd iri taxta gəmi tikdirib. Ebo Noah 25 dekabr 2025-ci il tarixində dünya miqyasında böyük daşqın olacağını iddia etsə də, son paylaşımında "Tanrının qiyaməti təxirə saldığını" bildirib.

Ebo Noahi gördüyünü iddia etdiyi yuxudan sonra geniş müzakirələrə səbəb olan bir layihəyə start verib. Onun sözlərinə görə, yuxusunda Tanrı tərəfindən xəbərdar edilib ki, 25 dekabr 2025-ci il - Milad günü - bütün dünyada böyük bir sel fəlakəti yaşanacaq.

Bu iddialardan sonra Noahın tikdirdiyi gəmilərə və söylədiklərinə maraq artıb, yüzlərlə insan onun yaşadığı əraziyə axın edib. Hadisə Qanada və sosial mediada geniş rezonans doğurub. Rəsmi qurumlar isə iddialarla bağlı hər hansı elmi və ya rəsmi təsdiqin olmadığını bildiriblər.

Telegramda izləyin