İnsanları həcc ziyarətinə aparmaq vədi ilə yığdığı pulları qumarda uduzdu - VİDEO

Türkiyənin Kütahya şəhərində 23 nəfəri həcc ziyarətinə aparmaq vədi ilə onlardan pul topladığı, daha sonra isə bu vəsaitiqumar oynayaraq itirdiyi iddia edilən şəxs saxlanılaraq həbs edilib.

Sonxeber.az türk mediasına istinadən xəbər verir ki, Balıklı məhəlləsində fəaliyyət göstərən bir turizm şirkətinə həcc ziyarəti üçün ödəniş edən 23 nəfər, Səudiyyə Ərəbistanına aparılmadıqlarını bildirərək hüquq-mühafizə orqanlarına müraciət ediblər.

Şikayətlərdən sonra İl Polis İdarəsinin Asayiş Şöbəsinə bağlı Dələduzluq Bürosu tərəfindən aparılan araşdırma zamanı həccə getmək istəyən şəxslərdən təxminən 32 min ABŞ dolları məbləğində pul toplandığı müəyyən edilib.

Aparılan əməliyyat-axtarış tədbirləri çərçivəsində turizm şirkətinin məsul müdiri olduğu bildirilən 68 yaşlı Bünyamin A. saxlanılıb. Şübhəlinin topladığı pullarıqumar oynayaraq itirdiyini etiraf etdiyi öyrənilib.

Polisdəki əməliyyatlar tamamlandıqdan sonra məhkəməyə çıxarılan Bünyamin A. növbətçi sülh cəza hakiminin qərarı ilə həbs edilərək cəzaçəkmə müəssisəsinə göndərilib.

Telegramda izləyin