Tək yaşayan 58 yaşlı qadın evində ölü tapılıb - VİDEO

Türkiyənin Aydın vilayətinin Efeler rayonunda bir müddətdir özündən xəbər alınmayan 58 yaşlı Fadime Yavuz yaşadığı evdə ölü vəziyyətdə tapılıb.

Sonxeber.az türk mediasına istinadən xəbər verir ki, Meşrutiyet məhəlləsində tək yaşayan Fadime Yavuzdan xəbər ala bilməyən yaxınları vəziyyəti 112 Təcili Zəng Mərkəzinə bildiriblər. Müraciətdən sonra hadisə yerinə polis, təcili tibbi yardım və xilasetmə briqadaları cəlb olunub.

Yanğınsöndürənlərin köməyi ilə evə daxil olan polis əməkdaşları qadını hərəkətsiz vəziyyətdə aşkar ediblər. Tibb işçilərinin apardığı ilkin müayinədə Fadime Yavuzun bədənində hər hansı zorakılıq və ya kəsik izinə rast gəlinmədiyi bildirilib.

Qadının meyiti hadisə yerində aparılan baxışdan sonra ölüm səbəbinin müəyyənləşdirilməsi üçün Aydın Adnan Menderes Universiteti Xəstəxanasının morquna aparılıb.

Araşdırma davam etdirilir.

Telegramda izləyin