Təcili yardım maşınının qarla imtahanı - VİDEO

Bolu şəhərində üç gündür fasiləsiz yağan güclü qar gündəlik həyatı mənfi təsir göstərib.

Sonxeber.az türk mediasına istinadən xəbər verir ki, şəhər mərkəzində qar örtüyünün qalınlığı 50 santimetrə çatıb, bu isə nəqliyyatda ciddi çətinliklər yaradıb.

Axşam saatlarında şəhərin ən işlək küçələrindən biri olan İzzet Baysal prospektində hərəkətdə olan 112 Təcili Tibbi Yardım avtomobili qarla örtülmüş yolda irəliləməkdə çətinlik çəkib.

Sürücü nəqliyyat vasitəsini hərəkətə gətirmək üçün geri manevr edərək sürət yığmağa çalışıb. Ani manevrdən sonra sürət qazanan təcili yardım maşını böyük çətinliklə qarlı yoldan çıxaraq yoluna davam edib.

Həmin anlar kameralara əks olunub. Güclü qar yağışı səbəbindən bölgədə nəqliyyatda fasilələr yaşanmaqda davam edir.

Telegramda izləyin