Ali Koç "Fənərbağça"ya jest edib

Bu gün "Fənərbağça" klubunun Ali Şurasının iclası keçirilib.

Oxu.Az "NTV Spor"a istinadən xəbər verir ki, görüş Ali Koçun tarixi qərarı ilə yadda qalıb.

"Fənərbağça"nın vitse-prezidenti Murat Salar bildirib ki, Ali Koç klubun ona verməli olduğu bütün ödənişləri bağışlayıb.

"Əvvəlki görüşümüzdə borc hesabatına keçmiş prezidentimiz Ali Koça olan borc da daxil idi. Prezidentimiz klub adından bütün lazımi hüquqi sənədləri, o cümlədən ailəsi və varisləri ilə bağlı sənədləri təqdim etməyə hazır olduğunu bildirmişdi. Hörmətli prezidentimiz bu sənədləri imzalayaraq klubumuza çatdırdı. İcmamız adından səmimi minnətdarlığımızı bildiririk", - deyə M.Salar qeyd edib.

Telegramda izləyin