Ceyhun Məmmədov: Uşaqların sosial şəbəkələrdə uyğunsuz materiallara əlçatanlığı cəmiyyəti narahat etməlidir
Uşaqların zərərli internet oyunlarından istifadəsi, onların sosial şəbəkədə uyğunsuz materiallara əlçatanlığı ciddi təhlükə kimi cəmiyyəti narahat etməlidir.
Bu sözləri "Report"a açıqlamasında deputat Ceyhun Məmmədov deyib.
O bildirib ki, sosial medianın inkişafı, internet məkanında yayılan müxtəlif oyunlar gənclərin düşüncəsinə, eləcə də təlim-tərbiyə prosesinə mənfi təsir göstərir:
"Zamanla uşaqların tərbiyə olunması daha da çətinləşir. Bu, dünya nümunəsində də görünür. Uşaqların tərbiyəsində, onlara etik davranış qaydalarının öyrədilməsində yük ailə və məktəblərin üzərinə düşür. Amma bu məsələdə ən böyük məsuliyyət ailənin üzərindədir. Valideynlər övladlarına daha çox vaxt ayırmalı, onlarla daha çox ünsiyyətdə olmalıdırlar. Bu gün ailələr məsələyə həssas və diqqətlə yanaşmalıdırlar ki, gənclərimizi qoruya bilək. Hər bir valideyn övladının tərbiyəsinə görə məsuliyyət daşıyır. Azyaşlıların sosial şəbəkədən, aqressiv kompüter oyunlarında istifadəsi onların psixlogiyasına mənfi təsir göstərir. Bir çox kompüter oyunları var ki, gənclərin etik davranışına, tərbiyəsinə ciddi təsir edir, bu səbəbdən bir sıra dünya ölkələri sözügedən platformalara girişi qadağan ediblər. Bu, tendensiya kimi davam edir".
Deputat Avropa ölkələrindən nümunələr çəkərək bu yaxınlarda İtaliyada süni intellektlə bağlı layihə təqdim olıunduğunu xatırladıb:
"Eyni zamanda, İspaniya 16 yaşına qədər olan uşaqların sosial mediadan istifadəsi ilə bağlı müəyyən məhdudiyyətlərin tətbiqi prosesinə başlayıb. Azərbaycan da bu istiqamətdə tədbirlər görməlidir. Bir sıra Avropa ölkəsi də bu sahədə qanunvericilik məsələsinə baxacaq. Bir müddət əvvəl mən də parlamentdə bu məsələni qaldırmışdım. Uşaqların zərərli internet oyunlarından istifadəsi, onların sosial şəbəkədə uyğunsuz materiallara əlçatanlığı ciddi təhlükə kimi cəmiyyətimizi narahat etməlidir. Əvvəlcə, valideynlər övladlarının tərbiyəsinə vaxt ayırmalı, sonra da məktəbdə təlim-tərbiyə işi gücləndirilməli, eləcə də qanunvericiliyə baxılmalı və müəyyən məhdudiyyətlər tətbiq edilməldir. Həmçinin bu sahədə davamlı maarifləndirmə, eləcə də təbliğat işləri aparılmalıdır. Bu addımlar atılmasa, proses daha mürəkkəb dövrə doğru gedəcək və hər birimiz bunun əziyyətini çəkəcəyik".
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Rəşid Mahmudovun evində partlayış baş verib?
SON DƏQİQƏ! ABŞ İranın Qeşm adasını bombaladı: 5-6 partlayış baş verdi
1960-cı ildə proqnozlaşdırılan "qiyamət günü" gəldi
Kadir İnanırın mirasının məbləği açıqlandı
Azərbaycanda siqaret yenidən bahalaşacaq? - İqtisadçıdan AÇIQLAMA
Yeni Azərbaycan Partiyası - milli siyasi iradənin, dövlətçilik ənənələrinin və güclü Azərbaycan məfkurəsinin ifadəsi
Yeni Azərbaycan Partiyasının yaradılmasının 34-cü ildönümü: Milli dövlətçilik tariximizin mühüm mərhələsi
Dünyada ərzaq ucuzlaşır, Azərbaycanda isə bahalaşır - Səbəb nədir? - İQTİSADÇIDAN AÇIQLAMA
ABŞ-İran müharibəsində yeni gərginlik: Tehran ABŞ bazasını hədəfə aldı, Vaşinqton bölgəyə üçüncü aviadaşıyıcısını göndərdi
Universitetlərə qəbul imtahanları ləğv edilə bilər? - Azərbaycanda yeni sistemə keçid mümkündürmü? - TƏHSİL EKSPERTİNDƏN AÇIQLAMA
Prezident bu ölkə ilə əbədi dostluq haqqında Müqaviləni təsdiqlədi
Yevlaxda ağır qəzada 2 nəfər öldü
Rusiya Ukraynanı bombaladı