Bələdiyyə sədrinin bu geyimi tənqid olunur - VİDEO

Türkiyədə İYİ Partiyadan olan Mehmet Emin Korkmazın geyimi ilə bağlı tənqid etdiyi Eskişehir vilayətinin Mihalgazi bələdiyyə başçısı Zeynep Güneş Akgünə aid olduğu deyilən görüntülər yayılıb.

Sonxeber.az türk mediasına istinadən xəbər verir ki, sosial şəbəkələrdə paylaşılan görüntülər qısa müddətdə müzakirələrə səbəb olub. Hadisə fonunda Mehmet Emin Korkmaz barəsində "xalqı kin və düşmənçiliyə təhrik etmə" maddəsi ilə prokurorluq tərəfindən öz təşəbbüsü ilə istintaq başladılıb.

Baş Prokurorluğun göstərişi əsasında İl Təhlükəsizlik İdarəsi tərəfindən aparılan araşdırmalar nəticəsində sözügedən paylaşımı edən hesab sahibinin M.E.K. olduğu müəyyən edilib.

Erzurumda polis əməkdaşları tərəfindən saxlanılan şübhəli şəxs istintaq hərəkətlərindən sonra məhkəməyə çıxarılıb. Universitet tələbəsi olduğu bildirilən M.E.K., prokurorluqdakı ifadəsindən sonra "xalqı kin və düşmənçiliyə təhrik" ittihamı ilə Növbətçi Sülh Cəza Məhkəməsinə göndərilib və məhkəmənin qərarı ilə həbs edilib.

Faktla bağlı araşdırmalar davam edir.

Telegramda izləyin