"‘Bolt’ sürücüləri qiyməti bəyənmədikdə niyə sifarişləri ləğv edir? - ARAŞDIRMA

"‘Bolt’ sürücüləri qiyməti bəyənmədikdə niyə sifarişləri ləğv edir? - ARAŞDIRMASon dövrlər taksi xidmətləri ilə bağlı vətəndaş narazılıqları artmaqdadır. Problemin əsas məqamlarından biri isə bəzi "Bolt" sürücülərinin sifarişi qəbul etdikdən sonra müştəriyə zəng edərək gediş haqqını soruşması və qiymət onları qane etmədikdə sifarişi ləğv etməsidir.

Bu cür davranış həm xidmət qaydalarına ziddir, həm də sərnişinlərin vaxt itkisinə, əsəbi vəziyyətə düşməsinə və ümumilikdə sistemə olan etimadın azalmasına səbəb olur.

Bəs görəsən kimi halların qarşısının alınması üçün hansı mexanizmlər tətbiq edilir?

Məsələ ilə bağlı AYNA-dan sorğumuza cavab olaraq bildirildi ki, taksi fəaliyyətinə nəzarət elektron sistemlər vasitəsilə həyata keçirilir, sərnişin müraciətləri əsasında pozuntular araşdırılır və neqativ halların qarşısının alınması üçün müvafiq tədbirlər görülür:

"Sərnişinlər tərəfindən daxil olan müraciətlər araşdırılaraq, müvafiq tədbirlər görülür. Taksi sifarişi operatorları ilə birgə proqram təminatının verdiyi üstünlüklərdən istifadə edilərək neqativ halların qarşısının alınması üçün preventiv işlər aparılır.

AYNA informasiya sistemində "E-taksi" alt sistemi yaradılıb. Qeyd olunan alt sistemi vasitəsilə taksi fəaliyyətinə nəzarəti həyata keçirmək mümkündür. Belə ki, "E-taksi" alt sisteminə taksi sifarişi operatorlarları adsızlaşdırılmış məlumatları göndərilillər. Həmin məlumatlar əsasında ümumi təhlillər aparılır və inzibati tənbeh tədbirləri görülür. Bu səbəbdən bütün sərnişinlərdən xahiş odur ki, yalnız icazəsi olan taksilərdən istifadə etsinlər. Belə olduğu təqdirdə şikayətləri daha rahat şəkildə araşdırmaq mümkündür. Eyni zamanda, Taksi xidməti üzrə Rəqəmsal Əkiz də real vaxt rejimində şəhərdə taksilərin fəaliyyətinə nəzarət etmək imkanı yaradır. Sərnişinlərə taksi sahəsində qarşılaşdıqları müxtəlif problemlərlə bağlı AYNA-nın "141" Çağrı Mərkəzi və ya sosial şəbəkə hesabları üzərindən müraciət etmələri və nəqliyyat vasitəsinin dövlət qeydiyyat nişanı barədə məlumat vermələri xahiş olunur. Taksi nəqliyyat vasitəsilə sərnişindaşımalarında xidmət keyfiyyəti ilə bağlı sərnişinlərdən daxil olan müraciətlər AYNA tərəfindən araşdırılır və neqativ halların qarşısının alınması üçün tədbirlər görülür"

"Əgər təklif olunan qiymət sürücüləri qane etmirsə, bu sahədə işləməmək də bir seçimdir", - bunu Sonxeber.az -a açıqlama verən nəqliyyat eksperti Elməddin Muradlı deyib:

"Məsələ ilə bağlı həm "Bolt" şirkəti, həm də Yerüstü Nəqliyyat Agentliyi vətəndaşlara dəfələrlə müraciət edib ki, bu cür hallarla qarşılaşdıqda həm taksi operatoruna, həm də AYNA-ya məlumat versinlər. "141" qaynar xətti bu müraciətləri qeydə alır və qayda pozuntusuna yol verən sürücülərin profilləri cəza tədbiri olaraq 3-5 ay müddətinə bloklanır. Şirkət sürücüləri intizama dəvət etmək üçün bu üsullardan istifadə edir. Qaydalar davamlı şəkildə pozulduqda isə sürücünün profili tamamilə ləğv olunur, sertifikatı etibarsız sayılır.

Təəssüf ki, bir çox vətəndaş şikayət etmək istəmir. Səbəb kimi isə "heç kəsin çörəyinə bais olmaq istəməmək" göstərilir. Amma unutmayaq ki, bu gün sən mübarizə aparmasan, mən aparmasam, sabah bu problemi kim həll edəcək? Nə dövlətin, nə də şirkətlərin hər bir sürücünü fasiləsiz izləmək imkanı var. Belə bir mexanizm mövcud deyil. Bu səbəbdən vətəndaşların aktiv mövqeyi burada həlledici rol oynayır.

Hazırda ən çox rast gəlinən problemlərdən biri sürücülərin qiymətlə razılaşmayıb sifarişi ləğv etməsidir. Eyni hal ödəniş kartla olduqda da yaşanır - bəzi sürücülər gedişdən imtina edirlər. Kobud davranış, etik normalara əməl etməmək halları isə getdikcə artır. Lakin heç kim düşünməməlidir ki, bu vəziyyət belə davam edəcək.

Bu gün AYNA qayda pozuntularını aşkarlamaq üçün ciddi nəzarət aparır və zərurət yarandıqda sürücülərin sertifikatlarını ləğv edir. Çünki Bakı şəhərində taksilərin sayı artıq 40 mini keçib, halbuki müəyyən edilmiş limit 25 mindir. Bu isə o deməkdir ki, bazarda qalmaq üçün sürücülər daha məsuliyyətli və qaydalara uyğun fəaliyyət göstərməlidirlər.

Sürücülərə açıq mesaj budur: arxayınlaşmaq üçün əsas yoxdur. Bir gün gözləmədiyiniz anda profilinizin ləğv edildiyini görə bilərsiniz. Davamlı şəkildə qayda pozanlar anlamalıdır ki, bu yolun sonu yaxşı deyil. Öz davranışlarını düzəltməli, taksi sürücüsünün etik normalarına əməl etməlidirlər. Əgər təklif olunan qiymət sizi qane etmirsə, bu sahədə işləməmək də bir seçimdir. Amma xidmət göstərib insanların əsəbləri ilə oynamaq yolverilməzdir.

Bu sistem dövlət nəzarətindədir və tənzimləyici mexanizmlər qanunvericiliyə uyğun şəkildə həyata keçirilir. Taksi fəaliyyəti göstərən hər kəs bu qaydalara riayət etməlidir. Sistemdən istifadə edib vətəndaşları yarı yolda qoymaq olmaz. Təsəvvür edin, vətəndaş taksi sifariş verir, yarım saat gözləyir və sonda məlum olur ki, məsuliyyətsiz bir sürücü sifarişi ləğv edib. Bu, ciddi məsuliyyətsizlik və vətəndaşa hörmətsizlikdir".

Məsələ ilə bağlı "Bolt" şirkəti sorğumuza cavab olaraq bildirdi ki, bu hallarla qarşılaşan müştərilər şikayətlərini şirkətə bildirməlidirlər:

"Taksi sürücülərinin əsaslı səbəb olmadan sifarişi ləğv etmək hüququ yoxdur. Bu cür hallar xidmət qaydalarının pozulması hesab olunur və sərnişinlərin vaxt itkisinə, həmçinin haqlı narazılığına səbəb olur. Belə vəziyyətlərlə qarşılaşan müştərilərdən xahiş olunur ki, mütləq şəkildə şikayətlərini şirkətə bildirsinlər. Daxil olan müraciətlər araşdırılacaq və qayda pozuntusuna yol verən sürücülər barəsində qanunvericiliyə uyğun müvafiq tədbirlər görüləcək"

Çiçək Sadatova


Sonxeber.az
Telegramda izləyin
Sosial   Baxılıb: 3357   Tarix: 10 fevral 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Gürcüstanda 31 yaşlı azərbaycanlını cərəyan vurub öldürdü

Gürcüstanın Laqodexi bələdiyyəsində azərbaycanlı şəxs bədbəxt hadisə nəticəsində ölüb. "Qafqazinfo" xəbər verir ki, hadisə Yzybtala kəndində baş verib. Usta işləyən 31 yaşlı Əmrah Kazımov talvarın üzərini metal təbəqə ilə örtdüyü zaman ehtiyatsızlıqdan yüksəkgərginlikli elektrik naqillərin

18 noyabr
.

Həmkəndlisinin qulağını dişləyib qopardı

Qəbələ rayonu Dızaxlı kəndində qeyri-adi xuliqanlıq hadisəsi baş verib. -a istinadən xəbər verir ki, kənd sakini R.M. münaqişə zəminində həmkəndlisi, A.A-nın sol qulağını dişləyərək qoparıb. Məlumata görə, tərəflər arasında torpaq sahəsi ilə bağlı münaqişə yaranıb. R.M. saxlanılıb. Araşdırma aparılı

18 noyabr
.

"Boranı" restoranında tək yeyib-içmək olmaz? - Video

Sosial şəbəkələrdə "Boranı" restoranlar şəbəkəsi ilə bağlı şikayət yayılıb. xəbər verir ki, şikayətçinin iddiasına görə, restoranın "Neftçilər" metrosu yaxınlığında yerləşən filialına tək daxil olmaq istəyən müştəriyə icazə verilməyib. Ona bildirilib ki, yalnız 3-4 nəfərlə gəldikd

16 noyabr
.

Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA

Kirayə münasibətlərində ev sahibi ilə kirayəçi arasında yaranan mübahisələrdən biri də mənzilin boşaldılması tələbi ilə bağlıdır. Bəzi hallarda ev sahibləri kirayə haqqının gecikdirilməsini, müqavilə müddətinin başa çatmasını və ya mənzilə özlərinin ehtiyac duymasını əsas gətirərək kirayəçidən evi qıs

17 noyabr
.

Bakcell gənclər üçün növbəti süni intellekt hakatonunu keçirib

Bakcell gənclərin texnoloji bacarıqlarının inkişafına yönəlmiş hakatonlar silsiləsini davam etdirir. Bu dəfə Peerstack Academy tələbələri süni intellekt üzrə keçirilən hakatonda bir araya gəliblər. Hakaton çərçivəsində iştirakçılar telekommunikasiya sahəsi üçün süni intellekt dəstəkli məhsullar hazırlayıblar

18 noyabr
.

Əməkhaqqı ödənişləri elektronlaşdırılacaq

Əməkhaqqı ödənişləri elektronlaşdırılacaq. "Qafqazinfo" xəbər verir ki, bu, Milli Məclisin bu gün keçirilən plenar iclasında müzakirə edilən Əmək Məcəlləsinə təklif edilən dəyişiklikdə əksini tapıb. Layihəyə əsasən əmək münasibətləri iştirakçıları tərəfindən qanunvericiliyin tələblərinə riayə

18 noyabr
.

Kirayəçi evi boşaltmaqdan imtina edirsə, ev sahibi nə etməlidir? - EKSPERTDƏN AÇIQLAMA

Kirayə münasibətlərində ev sahiblərinin üzləşdiyi problemlərdən biri də müqavilənin müddəti başa çatdıqdan və ya kirayə haqqı ödənilmədikdən sonra kirayəçinin mənzili boşaltmaqdan imtina etməsidir. Belə hallarda mülkiyyətçilər həm əmlak hüquqlarını qorumaq, həm də qanun çərçivəsində hərəkət etmək məcburiyyətind

17 noyabr
.

Direktorların işə qəbul nəticələri - Açıqlandı

2026-cı ildə keçirilmiş direktorların işə qəbulu müsabiqəsinin nəticələri elan edilib. "Qafqazinfo" xəbər verir ki, bu barədə MÜTDA məlumat yayıb. Bildirilib ki, müsabiqədə müəyyən edilmiş tələblərə cavab verən 463 nəfər uğur qazanıb. Namizədlərin müsabiqə nəticələri barədə məlumatlar onları

16 noyabr
.

Hər şeydə qüsur axtaran insanlar: Daim neqativ düşünməyin səbəbi nədir? - PSİXOLOQDAN AÇIQLAMA

Cəmiyyətdə elə insanlar var ki, baş verən hadisələrə, edilən yaxşılıqlara və hətta xeyirxah təşəbbüslərə belə daim neqativ yanaşırlar. Kiminsə lotereyada iştirak etməsini fırıldaq hesab edir, xəstə uşaqların müalicəsi üçün başladılan yardım kampaniyalarının arxasında mütləq başqa məqsəd axtarır, küç

18 noyabr