"Mobil telefonda bu məlumatları saxlamaq ciddi təhlükə yaradır" - AÇIQLAMA
Rəqəmsal texnologiyaların gündəlik həyatımızda rolu artdıqca mobil telefonlarda saxladığımız şəxsi məlumatların həcmi də genişlənir. Bu səbəbdən də telefonlarda hansı məlumatların saxlanılmasının təhlükə yaratdığı məsələsi də аktuallıq qazanır. Bəs, konkret olaraq mobil telefonlarda hansı növ məlumatların saxlanılması istifadəçilər üçün ciddi təhlükə yarada bilər və bu risklərin qarşısını almaq üçün hansı tədbirlər görülməlidir?
Mövzu ilə bağlı Sonxeber.az-a İKT üzrə ekspert Elvin Abbasov danışıb.
O, açıqlamasında qeyd edib ki, mobil telefonların artıq rəqəmsal bir seyfə çevrildiyi müasir dövrdə bəzi məlumatların orada saxlanılması kiber-insident və ya cihazın itirilməsi zamanı fəlakətli nəticələrə yol aça bilər:
"Konkret olaraq, bank kartlarının hər iki üzünün fotosu, PİN kodlar, müxtəlif hesabların şifrələrinin yazıldığı qeydlər (notes) və şəxsiyyət vəsiqəsi kimi rəsmi sənədlərin skan olunmuş versiyaları telefonun qalereyasında və ya bulud yaddaşında şifrələnməmiş halda saxlanılmamalıdır. Həmçinin, tətbiqlərdə "məni xatırla" funksiyasının aktiv olması, xüsusilə maliyyə və elektron hökumət tətbiqləri üçün ciddi təhlükə mənbəyidir, çünki cihaz kənar şəxslərin əlinə keçdikdə bu məlumatlar birbaşa giriş qapısına çevrilir.
Bu risklərin qarşısını almaq üçün ilk növbədə İki Faktorlu Doğrulama (2FA) sistemini bütün kritik hesablar üçün aktivləşdirmək zəruridir. Şəxsi sənədlər və şifrələr mütləq şəkildə "Password Manager" (şifrə idarəçisi) kimi xüsusi şifrələnmiş tətbiqlərdə və ya telefonların daxili "Təhlükəsiz Qovluq" (Secure Folder) bölmələrində saxlanılmalıdır. Bundan əlavə, biometrik təhlükəsizlik (FaceID və ya barmaq izi) hər bir kritik tətbiq üçün fərdi şəkildə quraşdırılmalı və cihazın əməliyyat sistemi mütəmadi olaraq yenilənməlidir ki, məlum kiber-boşluqlar vaxtında bağlansın. İctimai yerlərdə açıq Wi-Fi şəbəkələrindən istifadə edərkən şəxsi məlumatların ötürülməsindən qaçmaq isə rəqəmsal gigiyenanın ən vacib qaydalarından biridir".
Vüsalə İbarhimli
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Rəşid Mahmudovun evində partlayış baş verib?
SON DƏQİQƏ! ABŞ İranın Qeşm adasını bombaladı: 5-6 partlayış baş verdi
Güclü küləklə bağlı xəbərdarlıq
1960-cı ildə proqnozlaşdırılan "qiyamət günü" gəldi
Kadir İnanırın mirasının məbləği açıqlandı
Kirayəçi evi boşaltmaqdan imtina edirsə, ev sahibi nə etməlidir? - EKSPERTDƏN AÇIQLAMA
Azərbaycanda siqaret yenidən bahalaşacaq? - İqtisadçıdan AÇIQLAMA
Yeni Azərbaycan Partiyası - milli siyasi iradənin, dövlətçilik ənənələrinin və güclü Azərbaycan məfkurəsinin ifadəsi
Yeni Azərbaycan Partiyasının yaradılmasının 34-cü ildönümü: Milli dövlətçilik tariximizin mühüm mərhələsi
Dünyada ərzaq ucuzlaşır, Azərbaycanda isə bahalaşır - Səbəb nədir? - İQTİSADÇIDAN AÇIQLAMA
ABŞ-İran müharibəsində yeni gərginlik: Tehran ABŞ bazasını hədəfə aldı, Vaşinqton bölgəyə üçüncü aviadaşıyıcısını göndərdi
Universitetlərə qəbul imtahanları ləğv edilə bilər? - Azərbaycanda yeni sistemə keçid mümkündürmü? - TƏHSİL EKSPERTİNDƏN AÇIQLAMA
Prezident bu ölkə ilə əbədi dostluq haqqında Müqaviləni təsdiqlədi
Yevlaxda ağır qəzada 2 nəfər öldü