Gökhan Türkmen dırnaq boyası tənqidlərinə cavab verdi: "Bəzəkli bir adamam" - VİDEO

Türkiyəli müğənni Gökhan Türkmen son günlər sosial şəbəkələrdə dırnaq boyası istifadə etməsi səbəbilə tənqid olunmuşdu.

Sonxeber.az türk mediasına istinadən xəbər verir ki, sənətçi məsələ ilə bağlı açıqlama verərək, dırnaq boyasını sevdiyini və bunu özü üçün sadəcə bir aksesuar kimi gördüyünü bildirib.

Türkmen açıqlamasında deyib: "Dırnaq boyası mənim üçün saat və ya zinət əşyası kimidir. Öz üzərimdə görəndə xoşuma gəlir. Olmasa da olar, amma olanda gözəl olur. Mən bəzəkli bir adamam. Estetik zövqüm çox yüksəkdir. Gözələ baxmağı sevirəm".

Müğənninin sözləri sosial şəbəkələrdə həm onu tənqid edənlər, həm də dəstəkləyənlər tərəfindən maraqla qarşılanıb.

Qeyd edək ki, sənətçi daha əvvəl verdiyi müsahibədə də bu mövzuya toxunaraq, "Nə deyim ki? Zövqlər və rənglər müzakirə olunmur, mən sevirəm və özümə yaraşdırıram" ifadələrini işlətmişdi.

Telegramda izləyin