Keçmiş həyat yoldaşının evlənəcəyini öyrənən şəxs faciəyə səbəb oldu

Aksaray şəhərində baş verən qanlı hadisənin təfərrüatları məlum olub. İddiaya görə, keçmiş həyat yoldaşının yenidən ailə quracağını öyrənən Tolga Kuş faciəyə səbəb oldu.

Sonxeber.az türk mediasına istinadən xəbər verir ki, məlumata əsasən, hadisə iki azyaşlı uşağın gözü qarşısında baş verib. Şübhəli şəxs əvvəlcə keçmiş həyat yoldaşını və qadının əmisiqızını öldürüb, daha sonra isə intihar edib.

İlkin araşdırmalar zamanı müəyyən edilib ki, cinayətin motivi keçmiş həyat yoldaşının evlənmək qərarı olub. Faktla bağlı hüquq-mühafizə orqanları tərəfindən araşdırma aparılır.

Hadisə cəmiyyətdə ciddi narahatlıq doğurub. Mütəxəssislər ailədaxili zorakılıq və qadınlara qarşı şiddət hallarının qarşısının alınması üçün daha effektiv tədbirlərin görülməsinin vacibliyini vurğulayırlar.

Telegramda izləyin