Buraxılış imtahanları niyə mart ayında keçirilir?

Buraxılış imtahanları niyə mart ayında keçirilir?Bir çox ölkələrdə buraxılış imtahanlar daha gec tarixlərdə təşkil olunduğu halda, Azərbaycanda bu imtahanlar mart atında keçirilir. Xüsusilə müəllimlərin proqramı tam başa çatdırmaqda çətinlik çəkməsi, eləcə də şagirdlərdə mart imtahanından sonra yaranan müəyyən "boşluq" bu məsələyə diqqəti artırır. Kollecə qəbul imtahanı verən abituriyentlərin də mart imtahanından sonra dərslərdə daha az aktiv olması görünür. Maraqlıdır ki, Azərbaycanda buraxılış imtahanları niyə mart ayında keçirilir?

Təhsil eksperti Ramin Nurəliyev Valyuta.az-a bildirib ki, təhsili inkişaf etmiş ölkələrin təxminən 80%-ində buraxılış, (final və ya məzun imtahanları) may-iyun aylarında keçirilir: " İnkişaf etmiş ölkələrdə orta ümumi təhsil proqramı tam yekunlaşır, tədris planı başa çatır və yalnız bundan sonra imtahan mərhələsinə başlanılır. Təxminən 18-19% ölkədə isə imtahanlar aprel ayında təşkil olunur. Xüsusilə Avropa ölkələrində əsas imtahan dövrü may-iyun aylarına təsadüf edir".

Ekspert deyir ki, buraxılış imtahanlarının mart ayında keçirildiyi ölkələrin sayı çox məhduddur: "Azərbaycanla yanaşı, Hindistan və Pakistanın bəzi bölgələrində, həmçinin Afrikada ayrı-ayrı ölkələrdə bu praktika mövcuddur. Digər ölkələrdə isə imtahan təqvimi daha fərqli qurulur. Məsələn, ABŞ-da bəzi ştatlarda imtahanlar aprel ayında, digərlərində isə may ayında keçirilir. Çində imtahan prosesi adətən aprel ayından başlayaraq mərhələli şəkildə həyata keçirilir. Yaponiyada isə əsas imtahan dövrü may ayına təsadüf edir".

Azərbaycanda mart imtahanlarının keçirilmə səbəbi nədir?

R.Nurəliyevin sözlərinə görə, Azərbaycanda buraxılış imtahanlarının mart ayında keçirilməsinin əsas səbəbi qiymətləndirmə prosesinin hələ də böyük ölçüdə canlı resurslar vasitəsilə aparılmasıdır: "İmtahan nəticələrinin yoxlanılması, təsdiqlənməsi və elan edilməsi müəyyən vaxt tələb edir. Hazırda imtahan nəticələri adətən 3-4 həftə ərzində, yəni təxminən bir aya yaxın müddətdə açıqlanır. Bu zaman kəsiyi Dövlət İmtahan Mərkəzinin digər mərhələlərlə uyğunlaşma aparmasını zəruri edir. Nəticələrin elanından sonra apellyasiya mərhələsi, yekun nəticələrin təsdiqi, daha sonra isə blok imtahanlarının birinci və ikinci cəhdləri keçirilir. Bunların hamısı müəyyən zaman ardıcıllığı tələb edən proseslərdir.

Bununla yanaşı, Azərbaycan dili və rus dili üzrə imtahanlar, qabiliyyət imtahanları, digər qəbul mərhələləri bir-biri ilə üst-üstə düşməməsi üçün xüsusi planlaşdırma aparılır. Məhz bu səbəbdən buraxılış imtahanları mart ayında təşkil olunur".

Ekspertin sözlərinə görə, əslində DİM də bu imtahanların daha gec tarixdə keçirilməsində maraqlıdır: "Hazırda imtahan sistemində rəqəmsallaşdırma istiqamətində addımlar atılır. Kiçik həcmli imtahanların bir qismi artıq bu tətbiq vasitəsilə yoxlanılır. Həm Elm və Təhsil Nazirliyi, həm də Dövlət İmtahan Mərkəzi bu prosesi mərhələli şəkildə həyata keçirir. DİM bu istiqamətdə xüsusi inzibati infrastruktur da yaradıb. Rəqəmsal sistem tam tətbiq olunarsa, nəticələr daha qısa müddətdə elan edilə bilər, imtahan mərhələləri arasında vaxt itkisi azalacaq, imtahan təqviminin daha gec aylara keçirilməsi mümkün olacaq. Buna nümunə kimi MİQ (Müəllimlərin İşə Qəbulu) imtahanını göstərir. Bu imtahanda nəticələr demək olar ki, imtahan başa çatan kimi açıqlanır".

Ekspertin fikrincə, əgər buraxılış imtahanı aprel ayında keçirilsə, mövcud sistem şəraitində bu, digər imtahanların təşkilinə mənfi təsir göstərə bilər. Məhz buna görə indiki modeldə mart ayı məcburi seçim kimi qalır.

Onun sözlərinə görə, inkişaf etmiş ölkələrdə imtahanların may-iyun aylarında keçirilməsi təsadüfi deyil və bu, tövsiyə olunan model hesab olunur: "Çünki mart ayında buraxılış imtahanı verən şagird tədris ili hələ davam etdiyi halda məktəbə gəlməyi mənasız hesab edə bilər. "İmtahanı vermişəm, artıq dərsə niyə gəlirəm?" düşüncəsi yaranır, bu isə dərslərə laqeyd yanaşmaya, motivasiya azalmasına və müəyyən intizam problemlərinə səbəb ola bilir".

R.Nurəliyev hesab edir ki, mart ayında buraxılış imtahanlarının keçirilməsi ideal model deyil: "Ümid edirik ki, imtahanların rəqəmsallaşdırılması prosesi başa çatdıqdan sonra imtahan tarixləri yenidən nəzərdən keçiriləcək və daha uyğun təqvim formalaşdırılacaq".

Ekspertin qənaətinə görə, texnoloji imkanlar genişləndikcə Azərbaycanda da buraxılış imtahanlarının keçirilmə vaxtının beynəlxalq praktikaya uyğunlaşdırılması real görünür.


Sonxeber.az
Telegramda izləyin
Sosial   Baxılıb: 854   Tarix: 20 fevral 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Sabah hava necə olacaq?

Noyabrın 18-də gözlənilən hava şəraiti açıqlanıb. Milli Hidrometeorologiya Xidmətindən -a verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə bəzi şəhərətrafı ərazilərdə az yağış yağacağ

17 noyabr
.

Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA

Kirayə münasibətlərində ev sahibi ilə kirayəçi arasında yaranan mübahisələrdən biri də mənzilin boşaldılması tələbi ilə bağlıdır. Bəzi hallarda ev sahibləri kirayə haqqının gecikdirilməsini, müqavilə müddətinin başa çatmasını və ya mənzilə özlərinin ehtiyac duymasını əsas gətirərək kirayəçidən evi qıs

17 noyabr
.

Bab əl-Məndəb və Hörmüz eyni vaxtda risk altında: Azərbaycan tranzit marşrutları üçün bunun mənası nədir?

Körfəzdə gərginlik yenidən artıb. Noyabrın 13-də İran İnqilab Keşikçiləri Korpusu Bəhreyndəki ABŞ radarına hücum etdiyini açıqladı. ABŞ Mərkəzi Komandanlığı (CENTCOM) iki dronun vurulduğunu bildirdi, itki və zərər olmadığını dedi və radar iddiasını təkzib etdi (Al Jazeera, Reuters). Hər iki tərəfin iddias

16 noyabr
.

Məşhur salonlar şəbəkəsinin rəhbəri ilə bağlı məhkəmədən qərar

"Beautytime" salonlar şəbəkəsinin rəhbəri Könül Həmzəyevanın təqsirləndirilən şəxs qismində cəlb olunduğu işlərdən biri yekunlaşıb. "Unikal"a istinadən xəbər verir ki, xüsusi ittihamçı Röyal Masiyevin şikayəti əsasında Könül Həmzəyevanın Cinayət Məcəlləsinin 147.2-ci (ağır cinayə

16 noyabr
.

"20 Yanvar"da qəza - Motosikletçi öldü

Bakıda ölümlə nəticələnən yol qəzası baş verib. APA-ya istinadən xəbər verir ki, hadisə metronun "20 Yanvar" stansiyasının yaxınlığında qeydə alınıb. Hadisə zamanı avtomobil motosikletlə toqquşub. Nəticədə motosikleti idarə edən şəxs hadisə yerində ölüb

17 noyabr
.

Bakıda müşavirələr keçirildi - Qarlı havalara hazırlıq tədbirləri müzakirə olundu

Bakı şəhərinin bütün rayonlarında təsdiq edilmiş tədbirlər planlarına uyğun qış mövsümündə qarlı havalara hazırlıq tədbirləri davam edir. xəbər verir ki, ilk növbədə şəhər və rayon kommunal xidmətlərinin xüsusi təyinatlı texnikaları hazır vəziyyətə gətirilib, bir sıra yaşayış və qeyri yaşayış binalarınd

17 noyabr
.

Prezident təqaüdü alanların sayı açıqlandı

Azərbaycan Respublikası Prezidentinin təqaüdü və fəxri adlara görə təqaüd təyin olunan şəxslərin sayı açıqlanıb. xəbər verir ki, bu barədə Dövlət Statistika Komitəsi (DSK) məlumat yayıb. Bildirilib ki, müxtəlif kateqoriyadan olan 407,6 min şəxsə Azərbaycan Respublikası Prezidentinin təqaüdü və fəxr

18 noyabr
.

Azərbaycanda yerli QHT-lər yenidən qeydiyyata alınacaq

Azərbaycanda yerli QHT-lər və xarici QHT-lərin filial və ya nümayəndəlikləri qanunvericiliyə ediləcək dəyişikliklərlə əlaqədar yenidən dövlət qeydiyyatına alınmaq üçün müvafiq icra hakimiyyəti orqanına müraciət etməli olacaqlar. xəbər verir ki, bu, Milli Məclisin 17 və 18 noyabr tarixlərində keçiriləcə

17 noyabr
.

Əməkhaqqı ödənişləri elektronlaşdırılacaq

Əməkhaqqı ödənişləri elektronlaşdırılacaq. "Qafqazinfo" xəbər verir ki, bu, Milli Məclisin bu gün keçirilən plenar iclasında müzakirə edilən Əmək Məcəlləsinə təklif edilən dəyişiklikdə əksini tapıb. Layihəyə əsasən əmək münasibətləri iştirakçıları tərəfindən qanunvericiliyin tələblərinə riayə

18 noyabr