Vətəndaş işğaldan azad olunmuş ərazilərdə öz evini özü tikməlidir? - AÇIQLAMA

Vətəndaş işğaldan azad olunmuş ərazilərdə öz evini özü tikməlidir? - AÇIQLAMAMəcburi köçkünlərin işğaldan azad olunmuş ərazilərdəki evlərini özlərinin tikməsi ilə bağlı təklif irəli sürülüb.

Bu barədə deputat Razi Nurullayev Milli Məclisin plenar iclasında danışıb.

"Məncə, dövlətin əsas rolu ev tikmək yox, şərait yaratmaq olmalıdır. Dövlət yol çəksin, su, işıq, qaz, internet, məktəb, xəstəxana yaratsın. Amma evlərin tikintisi mərhələli şəkildə, dövlətin nəzarəti və güzəştli mexanizmləri ilə vətəndaşın özünə verilsin. Köçkün öz evini özü tikəndə o torpağa daha çox bağlanır. Tikə-tikə ora öyrəşir, ətrafı tanıyır, dolanışıq yolu axtarır, qonşuluq münasibətləri formalaşır. Bu, psixoloji və sosial baxımdan da daha sağlam modeldir. Üstəlik, bu yanaşma dövlət büdcəsi üçün də qat-qat ucuz başa gəlir. Vətəndaş öz evini indiki qiymətlərdən iki dəfə daha ucuz məbləğə tikəcək", - deyə deputat bildirib.

Bəs görəsən doğurdan vətəndaş işğaldan azad olunmuş ərazilərdə öz evini özü tikməlidir?

Sosioloq Mətanət Məmmədova bu barədə Sonxeber.az -a açıqlama verib:

"Məncə, dövlətin bütün işləri təkbaşına üzərinə götürməsi həm onun yükünü artırır, həm də bəzi məsələlərin effektiv həllinə əngəl olur. İşğaldan azad olunmuş torpaqlarda infrastrukturun qurulması, məktəblərin açılması, səhiyyə müəssisələrinin bərpası kimi məsələlər dövlətin prioriteti olmalıdır. Amma evlərin tikilməsi məsələsi fərqlidir - bu, əsasən vətəndaşların üzərinə düşməlidir, dövlət yalnız nəzarət və dəstək rolunu oynamalıdır.

İnsan özü evinin təməlini qoyanda, hər kərpicini ucaltdıqda, oranın dəyərini və önəmini anlayacaq. Dövlət bir kənd və ya şəhər salanda bütün evlər eyni olur, sıradan görünür. Mən isə istərdim ki, işğaldan azad olunmuş ərazilərdə evlər insanların öz arzularına uyğun şəkildə tikilsin. Belə olduqda əvvəlki kənd ab-havası bərpa olunar, evlər bir-birinə bənzəməz, bəsit görüntü aradan qalxar və ərazi daha canlı görünər. İndiki layihələr isə çox vaxt qaçqın düşərgələrini xatırladır - eyni tipli evlər, oxşar həyətlər, monoton görünüş. İnsanlar öz evlərini tiksələr, orada həyat daha təbii və fərdi olacaq.

Şəhərlərdə isə evlərin tikintisi dövlət nəzarəti və müəyyən qaydalara uyğun aparılmalıdır. Bu həm dövlətin işini asanlaşdırar, həm də vətəndaşlara öz zövqlərinə görə ev tikmək imkanı verər. Beləcə, insanlar evlərinə bağlılığını artırar, dövlət isə infrastruktur layihələrini daha məqsədyönlü və səmərəli həyata keçirə bilər.

Bundan əlavə, vətəndaşların öz evlərini tikməsi dövlətə vaxt qazandırar. Çünki bəziləri işğaldan azad olunmuş torpaqlara gedib qayıtmaq, iş yeri tapmaq və dolanışıqla bağlı çətinliklər yaşaya bilər. İnsan öz evini özü tikərsə, dövlət də bu fürsətdən istifadə edərək orada iş yerlərini artırar və iqtisadi həyatın canlanmasına dəstək olar. Bu, işsizlik probleminin həlli üçün önəmli addımdır. Unutmaq olmaz ki, rayonlarda işsizlik yalnız işğaldan azad olunmuş ərazilərə aid deyil; bütün regionlarda bu problem mövcuddur. Əgər bölgələrdə kollektiv iş yerləri yaradılmazsa, insanlar yalnız Bakıya axın edəcək, regionların inkişafı isə əngəllənəcək.

Əslində bu yanaşma həm vətəndaşa, həm də dövlətə fayda gətirir. Vətəndaş öz evini, həyətini, məkanını quraraq aidiyyət hissini gücləndirir, dövlət isə böyük layihələrə fokuslana bilər. Mən bu fikirlə tam razıyam - işğaldan azad olunmuş torpaqlara qayıdan vətəndaşlar öz evlərini özləri tikməlidir. Bu həm dövlətə dəstək olacaq, həm də vətəndaşların oraya bağlılığını artıracaq, həm də iqtisadi həyatı canlandıracaq.

Əsas mesaj budur: dövlət və vətəndaş əl-ələ verməli, hər birinin rolu düzgün müəyyən edilməlidir ki, həm torpaqlar bərpa olunsun, həm də regionlarda davamlı inkişaf təmin edilsin"


Sonxeber.az
Telegramda izləyin
Sosial   Baxılıb: 1624   Tarix: 25 fevral 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

"20 Yanvar"da qəza - Motosikletçi öldü

Bakıda ölümlə nəticələnən yol qəzası baş verib. APA-ya istinadən xəbər verir ki, hadisə metronun "20 Yanvar" stansiyasının yaxınlığında qeydə alınıb. Hadisə zamanı avtomobil motosikletlə toqquşub. Nəticədə motosikleti idarə edən şəxs hadisə yerində ölüb

17 noyabr
.

Direktorların işə qəbul nəticələri - Açıqlandı

2026-cı ildə keçirilmiş direktorların işə qəbulu müsabiqəsinin nəticələri elan edilib. "Qafqazinfo" xəbər verir ki, bu barədə MÜTDA məlumat yayıb. Bildirilib ki, müsabiqədə müəyyən edilmiş tələblərə cavab verən 463 nəfər uğur qazanıb. Namizədlərin müsabiqə nəticələri barədə məlumatlar onları

16 noyabr
.

Gürcüstanda 31 yaşlı azərbaycanlını cərəyan vurub öldürdü

Gürcüstanın Laqodexi bələdiyyəsində azərbaycanlı şəxs bədbəxt hadisə nəticəsində ölüb. "Qafqazinfo" xəbər verir ki, hadisə Yzybtala kəndində baş verib. Usta işləyən 31 yaşlı Əmrah Kazımov talvarın üzərini metal təbəqə ilə örtdüyü zaman ehtiyatsızlıqdan yüksəkgərginlikli elektrik naqillərin

18 noyabr
.

Universitetlərə qəbul imtahanları ləğv edilə bilər? - Azərbaycanda yeni sistemə keçid mümkündürmü? - TƏHSİL EKSPERTİNDƏN AÇIQLAMA

Dünyanın bir sıra ölkələrində universitetlərə qəbul zamanı abituriyentlərin orta məktəb illərindəki akademik göstəriciləri əsas meyar kimi nəzərə alınır. Bu təcrübə Azərbaycanda da ali təhsil müəssisələrinə qəbul sisteminin dəyişdirilməsi məsələsini gündəmə gətirir. Bəs ölkəmizdə qəbul imtahanlarını

17 noyabr
.

Azərbaycanda Milli Dirçəliş Günüdür

Bu gün - noyabrın 17-si Azərbaycanda Milli Dirçəliş Günüdür. Bayram 1988-ci ilin noyabr-dekabrında Bakıda başlayan milli-azadlıq hərəkatı ilə bağlıdır. Həmin vaxt SSRİ rəhbərliyinin Qarabağ məsələsi ətrafında apardığı anti-Azərbaycan siyasəti nəticəsində Azərbaycanda antisovet xalq hərəkatı təşəkkü

17 noyabr
.

Mediaya ayrılan pul çox azdır - Deputat

Mediaya ayrılan pul çox azdır. xəbər verir ki, bunu Milli Məclisin bu gün keçirilən plenar iclasında 2027-ci ilin dövlət büdcəsi zərfinin müzakirəsində deputat Hikmət Babaoğlu deyib. Deputat bildirib ki, düşüncəni, milli düşüncə platformasının keyfiyyətini təyin edən mediadır, televiziyalardır, televiziy

16 noyabr
.

Prezident təqaüdü alanların sayı açıqlandı

Azərbaycan Respublikası Prezidentinin təqaüdü və fəxri adlara görə təqaüd təyin olunan şəxslərin sayı açıqlanıb. xəbər verir ki, bu barədə Dövlət Statistika Komitəsi (DSK) məlumat yayıb. Bildirilib ki, müxtəlif kateqoriyadan olan 407,6 min şəxsə Azərbaycan Respublikası Prezidentinin təqaüdü və fəxr

18 noyabr
.

Rəşid Mahmudovun evində partlayış baş verib?

Sosial şəbəkələrdə tanınmış həkim, tibb elmləri üzrə fəlsəfə doktoru Rəşid Mahmudovun evində qaz partlayışı baş verməsi ilə bağlı iddialar yayılıb. xəbər verir ki, paylaşımlarda iddia olunub ki, parlayış həkimin Badamdarda yerləşən evində baş verib. Məsələ ilə bağlı Rəşid Mahmudovla əlaqə saxladıq. Həki

17 noyabr
.

Şəmkirdə meyiti tapılanlarla bağlı - Yeni detallar

Ötən gün Şəmkirdə evdə iki nəfərin meyitinin tapılması ilə bağlı bəzi təfərrüatlar üzə çıxıb. "Qafqazinfo" xəbər verir ki, ilkin araşdırmalar zamanı rayonun Varlı Həyat kəndində 1968-ci il təvəllüdlü Rəfi Mustafayevin özünə məxsus evdə qeyri-rəsmi münasibətdə yaşadığı qadını qətlə yetirməsin

17 noyabr